प्रकाश प्रसाद काफ्ले । दन्त स्वास्थ्यका क्षेत्रमा नयाँ युगको सुरुवात भएको छ। नेपालगञ्जको बिपी चोकस्थित नर्सिङ होमको अगाडि ‘मेट्रो डेन्टल एण्ड रुट क्यानल सेन्टर’ औपचारिक रूपमा सञ्चालनमा आएको छ।
गुणस्तरीय र सहज दन्त उपचार सेवा आम नागरिकसम्म पुर्याउने उद्देश्यका साथ स्थापित यस सेन्टरले अत्याधुनिक उपकरण र अनुभवी चिकित्सकहरूको टोलीमार्फत सम्पूर्ण दाँतसम्बन्धी उपचार सेवा प्रदान गर्ने जनाएको छ।
सेन्टरमा नेपालगञ्जका एकमात्र आरसीटी विशेषज्ञ डा. बसन्तराज न्यौपाने, साथै दन्त उपचारमा अनुभवी चिकित्सक डा. सुशील चौधरी र डा. युवराज अधिकारीको संयोजकत्वमा नियमित सेवा सुरु गरिएको छ।
यसअघि आरसीटी (रुट क्यानल ट्रीटमेन्ट) उपचारका लागि बिरामीहरूलाई नेपालगञ्ज बाहिर जानुपर्ने बाध्यता थियो। अब मेट्रो डेन्टलको सञ्चालनसँगै बिरामीले यही सहरमै विशेषज्ञमार्फत गुणस्तरीय, द्रुत र आर्थिक रूपमा सहज सेवा प्राप्त गर्न सक्ने भएका छन्।
सेन्टरमार्फत रुट क्यानल ट्रीटमेन्ट (आरसीटी) बाहेक दन्त परीक्षण, विशेषज्ञ परामर्श, दाँत निकाल्ने, दाँतको बनावट मिलाउने, कृत्रिम दाँत बनाउने तथा अन्य सम्पूर्ण दन्त स्वास्थ्य सेवाहरू उपलब्ध हुनेछन्।
डा. न्यौपानेका अनुसार, “हामीले अत्याधुनिक प्रविधि र दक्ष जनशक्ति प्रयोग गरेर गुणस्तरीय सेवा दिने लक्ष्य लिएका छौँ। बिरामीको सन्तुष्टि नै हाम्रो पहिलो प्राथमिकता हो,” भन्ने प्रतिक्रिया दिएका छन्।
नेपालगञ्जमै पहिलो आरसीटी सेन्टरका रूपमा सुरु गरिएको ‘मेट्रो डेन्टल एण्ड रुट क्यानल सेन्टर’ दन्त उपचारका लागि अब नयाँ गन्तव्य बन्ने अपेक्षा गरिएको छ।
