नेपालगन्ज– नयाँ शिक्षा बिधेयकमा नीजि बिद्यालयलाई पाँचवर्षभित्र गुठीमा राख्ने प्रस्ताव बिरुद्ध बाँकेमा बिद्यालयहरु एकजुट भएका छन् । उनीहरुले पालिकाहरुमा ज्ञापनपत्र बुझाउँदै प्रस्तावको बिरोध गरेका छन् ।
प्याब्सन र एनप्याब्सन नेपालगन्ज नगर समितिले बुधवार नेपालगन्ज उपमहानगरपालिकाको कार्यालयमा ज्ञापनपत्र बुझाए । ज्ञापनपत्रमा “विद्यालय शिक्षा सम्बन्धी कानुनलाई संशोधन र एकीकरण गर्न बनेको विधेयक २०८०“ सरोकारवालाका सुझावहरुलाई वेवास्ता गरी तयार गरिएको सम्बन्धमा गम्भिर ध्यानाकर्षण भएको उल्लेख छ ।
विधेयकमा राखिएका कतिपय प्रावधानहरु निजी लगानीका संस्थागत विद्यालयहरु प्रति प्रवग्रही मात्र नभएर संविधान विपरित, अव्यवहारिक र अन्यायपूर्ण समेत भएको दावी छ । हाल निजी तथा सार्वजनिक गुठी अन्तर्गत सञ्चालित विद्यालयहरू नै समस्याग्रस्त रहेको र शैक्षिक गुठी दर्ता तथा सञ्चालन सम्बन्धमा स्पष्टता नभएको अवस्था विद्यमान रहेको उनीहरुको दावी छ ।
प्रस्तावित विधेयकले ५ वर्षभित्रमा निजी लगानीका विद्यालयले आफ्ना सम्पूर्ण दायित्व फर फारक गरी शैक्षिक गुठीमा रुपान्तरित हुनु पर्ने लगायतका बाध्यात्मक प्रावधान समावेश गरिनु संविधानको भावना विपरित, अव्यहारिक र दुराशययुक्त रहेको स्पष्ट देखिन्छ। निजी लगानीका विद्यालयको छाता सङ्गठनको प्रतिनिधित्व हुनु पर्ने विभिन्न समिति तथा उपसमितिहरु समेत वेवास्ता गरी प्रस्ताव भएमा निजी लगानीका विद्यालयहरुको वृद्धि, विकास, सुरक्षा, संरक्षण र सम्बर्द्धन, असंभव मात्र नभई यस्ता विद्यालयहरु बन्द हुने निश्चितप्राय रहेको भनिएको छ ।
अतः उक्त विधेयक संसदमा पेस हुन अगावैसरोकारका प्रावधानहरुको उचित सम्बोधन नभएमा देशैभरी सञ्चालित निजी गलानीका विद्यालयहरु बन्द गरी थप आन्दोलनका कार्यक्रमहरु घोषणा गर्न बाहेक अन्य कुनै पनि विकल्प नरहने चेतावनी दियएको छ ।
सम्बन्धित निकायमा ध्यानाकर्षण गराउँदा समेत कुनै ठोस निकास प्राप्त नभएको खण्डमा केन्द्रीय कार्यसमितिल आफ्ना माग पुरा नभएसम्मका लागि देशैभरीका कम्पनी, निजी गुठी तथा सार्वजनिक गुठी अन्तर्गत सञ्चालित विद्यालयहरु बन्द गरी अगाडि बढ्ने निर्णय गरी निर्देशन दिए पश्चात यस पालिका अन्तर्गतका विद्यालयहरु केन्द्रको निर्देशन प्राप्त हुनसाथ बन्द हुने विषय ध्यानाकर्षणका लागि अनुरोध गरिएको छ ।
