काठमाडौ – नेपाल टेलिकमले १० लाख रुपैयाँ बराबरको रिचार्ज कार्ड हराएको छ।
टेलिकमले एक सूचना जारी गर्दै ढुवानी गर्ने क्रममा ति कार्ड हराएको जनाएको छ। बुधबार गोरखापत्रमा सूचना निकालेर टेलिकमले ५० रुपैयाँ दरका २० हजार रिचार्ज कार्ड ढुवानीका क्रममा हराएको जनाएको हो।
टेलिकमका अनुसार स.नं११२२१२००१३७८०००१ देखि ११२२१२००१३८००००० सम्मको रिचार्ज कार्ड हराएको छ। ती कार्ड खरिद नगर्नसमेत टेलिकमले अनुरोध गरेको छ। टेलिकमले यदी ति कार्ड कतै भेटिएमा नजिकैको दुरसंचार कार्यालयमा बुझाउन पनि अनुरोध गरेको छ।
