बाँके – “खाद्य पदार्थमा स्वच्छता: विज्ञानको अपिरहार्यता” भन्ने मूल नाराका साथ विश्व खाद्य स्वच्छता दिवस,२०८२ सप्ताहव्यापी रुपमा मनाउने क्रममा आज मिति २०८२/०२/२१ गते खाद्य प्रविधि तथा गुण नियन्त्रण कार्यालय, नेपालगञ्ज, बाँकेले, नेपालगन्ज उपमहानगरपालिका, दुग्ध व्यवसायी संघ, नेपाल प्रहरी सहित बाँके जिल्ला नेपालगन्ज उप.म.न.पा.-०८, त्रिभुबन चौक देखि रानीतलाउ जाने बाटोमा साइकलमा घुमफिरी बेचिरहेको दुध तथा दहिहरुको संयुक्त अनुगमन गरी तत्काल नमुना संकलन गरी सोही स्थानमा परिक्षण गरेको थियो ।
उक्त दुध तथा दहिमा मिसावट छ वा छैन भनि एकिन गर्नलाई मिसावट (Neutralizer, Urea, Starch) परिक्षण गरिएको थियो ।
उक्त अनुगमनका क्रममा १९ वटा दुधका नमुना र १ वटा दहिको नमुना लिएको मध्य ३ वटा दुधका नमुनामा Neutralizer पोजिटिभ देखिएको थियो भने बाँकी नमुनाहरुमा कैफियत नरहेको पाइयो । कैफियत देखिएको दुध (अन्दाजी ३ लिटर) तत्काल नष्ट गरियो ।
