सिमकोट। सरकारले गठन गरेका भूमि आयोगको हुम्ला बाट एक जना बिज्ञ सदस्य सहित दुइ जना सदस्य नियुक्त हुनु भएको छ ।
५१ जिल्लाका भूमि समस्या समाधान आयोगको जिल्ला समितिमध्ये सरकारले हुम्लाका लागि विज्ञ सदस्यामा चन्द्रप्रसाद ढकाल (झलक) लाई नियुक्त गरेको छ । यसैगरी पर्वत सुनार र रिता लामालाई सदस्यमा नियुक्त गरेको छ । ढकाल, सुनार र लामासहित सरकारले ५१ जिल्लाका १०१ जनालाई सदस्यमा नियुक्त गरेको छ ।
भूमि व्यवस्था, सहकारी तथा गरिबी निवारणमन्त्री बलराम अधिकारीले पहिलो चरणमा उनीहरूलाई नियुक्त गरेका हुन् ।
केन्द्रमा राष्ट्रिय भूमि समस्या समाधान आयोग र जिल्लास्तरमा एक जना अध्यक्ष, विज्ञ र महिलासहित ३ जना सदस्य रहने व्यवस्था अनुसार मन्त्री अधिकारीले शुक्रवार १०१ जनालाई सदस्य पदमा नियुक्त गरेको मन्त्रालयले जनाएको छ ।
मन्त्री अधिकारीले छिट्टै सबै जिल्लामा भूमि समस्या समाधान आयोगले पूर्णता पाउने र वर्तमान सरकारकै पालामा भूमि समस्याको दिगो समाधान हुने विश्वास व्यक्त गरे ।
सरकारले भूमि क्षेत्रका समस्याहरूलाई दिगोरुपमा समाधान गर्न चाहेको मन्त्री अधिकारी भनाइ छ । यसअघि नै मन्त्रालयले जिल्लाहरूमा आयोगको जिल्ला समितिमा अध्यक्ष चयन गरिसकेको छ ।
