निर्मल सुवेदी- नेपालगंज, सामाजिक संजाल फेसबुकमा विकृति, विसंगति विरुद्ध स्टाटस अभियानको थालनी गरिएको छ ।
बिहीबार सामाजिक संजालमा एक स्टाटस पोष्ट गर्दै अभियान कर्ता जनक थापाले अभियानको घोषणा गरेका हुन् । प्रारम्भ गरिएको अभियानले नेपालगंजका विद्यमान समस्याहरुको विषयवस्तु उठान गरेको देखिएको छ ।
नेपालगंजमा थुप्रै जनसरोकारका सबालमा सामाजिक अनियमितता, बेथितिहरु विद्यमान छन् जसको विरोध स्वरुप सम्बन्धित निकायलाई विकास र सुशासनमा ध्यानाकर्षणको निमित्त सामाजिक संजालमा प्रत्येक साझँ ६ बजे स्टाटस पोष्ट गरी खबरदारी थालिएको अभियानका अभियान कर्ता जनक थापाले जानकारी दिए ।
उनले गलत कार्यको विरोध स्वरुप सामाजिक सजांलमा स्टाटस पोष्ट गरी सांकेतिक विरोधको थालनी गरिएको बताउदै अभियानलाई अगाडि बढाएर नेपालगंज उ.म.न.पा.को कार्यालय र जिल्ला प्रशासन कार्यालय, बाँकेमा समेत पोष्ट गरिएका स्टाटसहरुलाई फाईलिङ गरी ध्यानाकर्षण गराउने योजना समेत रहेको बताए ।
कुनै व्यक्ति, संस्था र समुदायलाई लक्षित नगरी नेपालगंजमा शिक्षा, स्वास्थ्यका सन्दर्भमा देखिएका समस्याहरु लगायत सामाजिक सरोकारका मुद्धाहरुलाई स्टाटस मार्फत उठान गर्ने उद्देश्य अभियानको रहेको अर्का अभियान कर्ता एवं बाल अधिकारकर्मी साहिल अन्सारीले जानकारी दिए ।
स्टाटस अभियानको पहिलो दिन “भ्रष्टाचार विरुद्ध बोल्ने निकायले कुन चाँहि भ्रष्टचारीलाई समाएर अख्तियारमाझ बुझायो……..?” भनी प्रश्न गर्दै स्टाटस सामाजिक संजालमा सम्प्रेषण गरिएको थियो ।
आयोजक नेपालगंज, युवा लेखिएको स्टाटस थालनीको दोस्रो दिनको स्टाटस “नेपालगंजमा अवैध रुपमा संचालनमा आएका मसाज सेन्टरले नेपालगंजलाई के दिएका छन्…..?” रहेको थियो ।
स्टाटस अभियानमा क्रमिक रुपमा धेरै युवाहरुको चासो र सकारात्मकता रहेको स्टाटसमा आएको लाइक, सेयर र कपि पेष्टबाट देखिएको छ । संचालित स्टाटस अभियानले नेपालगंजमा नयाँ तरङ्ग ल्याएको छ भने अभियान सामाजिक संजाल फेसबुकमा समेत भाइरल भइरहको छ ।
सामाजिक संजाल फेसबुकमा पोष्ट गरिएका स्टाटसहरु :
