बाँके। उपभोक्तालाई गुणस्तरीय वस्तु तथा सेवा उपभोगका लागि सचेत गराउन घरेलु तथा साना उद्योग कार्यालय बाँकेले उपभोक्ता शिक्षा कार्यक्रम सम्पन्न  गरेको छ ।

उपभोक्तामा सचेतना अभिवृद्धि गर्न समुदाय र विद्यालयस्तरमा उपभोक्ता शिक्षा कार्यक्रम सम्पन्न  गरिएको हो ।

लुम्बिनी प्रदेशको उद्योग, पर्यटन, मन्त्रालयको वार्षिक कार्यक्रमअनुसार समुदायस्तरमा सचेतना कक्षा सञ्चालन गरिएको घरेलु तथा साना उद्योग कार्यालय प्रमुख रमेश बहादुर बुढाथोकि ले कस्तुरि खबरलाई जानकारी दिनुभयो ।

उपभोक्तालाई सचेत बनाउन हामीले विद्यालयस्तरमा सचेतना कक्षा सञ्चालन भएको उहाँले भन्नुभयो

उपभोक्ता लाई खाध्य प्रविधि तथा गुण नियन्त्रण कार्यालय नेपालगं ज का खाध्य अनुसन्धान अधिकृत रामहरि लामिछाने प्रशिक्षकमार्फत उपभोक्ता जागरण कक्षा संचालन गरिको थियो ।

खजुरा गाउँपालिकामा कक्षा सञ्चालन भएको उपभोक्ता शिक्षा कार्यक्रम आदर्श मा वि र ज्ञनोदय मावि ,अमर मा,वि ,शुक्र मा.वि ,मैटहवा मा.विमा मा पाँच  दिन सम्म  कक्षा संचालन गरेको थियो ।

वस्तु तथा सेवाको उपभोग गर्दा उपभोग्य मिति, मूल्य, कारोवारस्थलमा सूचनापाटी मूल्यसूची भए÷नभएको हेर्ने,उत्पादकको नाम ठेगाना, वस्तुको तौल, उत्पादन मिति हेरेर मात्र बस्तु खरीद गर्ने, बस्तु खरीद गर्दा बिल अनिवार्य माग्ने, अखाद्य वा कमसल उपभोग्य वस्तु तथा सेवाको बिक्री वितरण भएको पाइएमा प्रहरी, जिल्ला प्रशासन कार्यालय वा स्थानीय तहमा उजूरी दिनेलगायत विषयमा खाध्य अनुसन्धान अधिकृत रामहरि लामिछाने बताउनु भएको थियो ।

धेरै उपभोक्तालाई यस्ता विषयमा ज्ञान छैन् भने ज्ञान भएका उपभोक्ताले वस्तु खरीद गर्दा व्यवहारमा कार्यान्वयन नगर्ने गरेकोले उपभोक्ता शिक्षा अति आवश्यक रहेको खाध्य अनुसन्धान अधिकृत रामहरि लामिछाने ले बताउनु भयो ।

कमसल वा अखाद्य वस्तुको प्रयोगबाट कुनै किसिमको हानी भएमा उपभोक्ताले क्षतिपूर्तिको दाबीसहित उजूरी गर्न सक्ने प्रावधान पनि छ उहाँले भन्नु भयो ।
यस कार्यक्रमबाट उपभोक्तामा जागरण आउने विश्वास गरिएको छ । आफूहरुले पाएको शिक्षालाई अब व्यवहारमै कार्यान्वयन गर्ने कक्षामा सहभागी उपभोक्ताले बताएका छन् ।

विद्यालयस्तरमा उपभोक्ता शिक्षा कार्यक्रम सञ्चालन भएको छ। कार्यालयका अनुसार ५ वटा विधालय प्रशिक्षक अभिमुखीकरण गरी उनीहरुबाट दुई विद्यालयमा प्रति विद्यालय कम्तीमा ५० जनालाई उपभोक्ता कक्षा सञ्चालन गरिएको घरेलु तथा साना उद्योग कार्यालय ले जनाएको छ ।

उक्त कार्यक्रम मा कस्तुरि खबरका कार्यकारी निर्देशक जयपति ढकाल , घरेलु कार्यालय मा कार्यरत अधिकृत छैटौँ शुशिल ढकाल उधोग महिला सहकर्ता मिना पाण्डेको लगायत कक्षा शिक्षक र बिधार्थिको उपस्थिति रहेको थियो ।