दाङ -खाद्य प्रविधि तथा गुण नियन्त्रण कार्यालय नेपालगंज, बाँकेको आयोजनामा खाद्य उद्योगी व्यवसायीहरुलाई खाद्य स्वच्छता तथा गुणस्तर सम्बन्धि तालिम कार्यक्रम मङ्सिर १६ गते घोराही दाङमा सम्पन्न भएको छ।
खाद्य प्रविधि तथा गुण नियन्त्रण डिभिजन कार्यालय, तुल्सीपुर दाङको समन्वय र दाङ जिल्ला उद्योग वाणिज्य संघ, घोराही दाङको सहजीकरणमा सम्पन्न कार्यक्रममा खाद्य उद्योगी, होटल व्यवसायी तथा खाद्य किराना पसल व्यवसायीहरु गरेर करिब ६५ जनाको सहभागीता रहेको थियो।
खाद्य प्रविधि तथा गुण नियन्त्रण कार्यालय नेपालगंज, बाँकेका निमित्त कार्यालय प्रमुख अमित भूषण सुमनको अध्यक्षतामामा संचालित कार्यक्रममा दाङ जिल्ला उद्योग वाणिज्य संघ, घोराही दाङका सचिव बिकास वली प्रमुख अतिथि रहनुभएको थियो।
उक्त कार्यक्रम खाद्य निरीक्षक राजेश कुमार चौधरीले संचालन गरेको गर्नुभएको थियो भने स्वागत मन्तव्य खाद्य अनुसन्धान अधिकृत रामहरी लामिछानेले व्यक्त गर्नु भएको थियो।
कार्यक्रमको प्राविधिक सत्रमा ४ वटा कार्यपत्र प्रस्तुति रहेको थियो। खाद्य स्वच्छता सम्बन्धी कार्यपत्र खाद्य प्रविधि तथा गुण नियन्त्रण कार्यालय नेपालगंज, बाँकेको निमित्त कार्यालय प्रमुख अमित भूषण सुमनले प्रस्तुत गर्नु भयो भने सोहि कार्यालयको खाद्य अनुसन्धान अधिकृत अन्जु हुमागाँर्इले अनुज्ञापत्र सम्बन्धी कानुनी प्रक्रिया समेटिएको कार्यपत्र प्रस्तुत गर्नु भयो ।
खाद्य प्रविधि तथा गुण नियन्त्रण डिभिजन कार्यालय, तुल्सीपुर दाङका कार्यालय प्रमुख उज्जवल रायमाझीले खाद्य ऐन नियम सम्बन्धी जानकारी विषयक कार्यपत्र कार्यपत्र प्रस्तुत गर्नु भयो र अन्तिम कार्यपत्रको रूपमा लुम्बिनी प्रदेश, कृषि तथा भुमि व्यवस्था मन्त्रालयका खाद्य प्राविधिक विक्रम पौडेलले असल उत्पादन अभ्यासका विषयमा प्रस्तुती दिनु भयो ।
