बाँके-मंसिर १ गतेबाट शुरु भएको कार्यक्रम बिविध कार्यक्रम गरी समापन गरिएको हो ।
यसै अवसरमा बिहीवार आयोजित कार्यक्रममा आर्थिक वर्ष २०७८÷७९ मा बाँकेमा धेरै कर बुझाउने तीन फर्मलाई १२ औं कर दिवसका अवसरमा बिहीवार आन्तरिक राजश्व कार्यालय नेपालगन्जले सम्मान गरेको छ ।
सेवातर्फ उपकार लद्युवित्त वित्तीय संस्था लिमिटेड, उद्योगतर्फ जयबागेश्वरी मोल्डिङ्ग उद्योग र सेवाक्षेत्रबाट पञ्चकोशी सप्लायर्स सम्मानित भएका हुन ।
कर दिवस समान कार्यक्रममा बाँकेका प्रमुख जिल्ला अधिकारी श्रवणकुमार पोखरेल र प्रमुख कर अधिकृत सुदिश कुमार अर्याल लगायतका अतिथिले सम्मानित हुने फर्म एवं व्यवसायीक प्रतिष्ठानलाई प्रमाणपत्र र दोसल्ला ओढाएका थिए ।
कार्यक्रममा बाँकेका प्रमुख जिल्ला अधिकारी पोखरेल सहित नेपाल उद्योग वाणिज्य महासंघका केन्द्रीय सदस्य अब्दुल वाहिद मन्सुरी,नेपालगन्ज उद्योग वाणिज्य संघका अध्यक्ष टंक धामी, कोहलपुर उद्योग वाणिज्य संघका अध्यक्ष लक्ष्मण पौडेल, घरेलु तथा साना उद्योग महासंघ बाँकेका अध्यक्ष मधु पौडेल,अडानका केन्द्रीय उपाध्यक्ष अब्दुल करिम खान, आइक्यानका सिए तेजप्रकाश दिक्षीत लगायतले बोलेका थिए ।
सो कार्यक्रममा उकृष्ट कार्य सम्पादनमा कार्यालयका कर्मचारी अतुल कुमार शर्मा लाई नगद सहित दोसल्ला ओढाएर सम्मान गरेको थियो ।
सो कार्यक्रमको समापन कार्यालय प्रमुख सुदिस कुमार अर्यालले कर सप्ताह समापन समारोहको समापन गर्नु भएको थियो ।
