बाँके -प्रथम किस्ता बुझाएर पनि साबिक पुनर्वास कम्पनी लिमिटेडका नाममा बा“केको खजुरा क्षेत्रमा रहेको जग्गा नपाउने सर्वसाधारणको समस्या समाधानको पहल भएको छ । खजुरा गाउँपालिका वडा नं. २ का अध्यक्ष धनीराम ओलीका अनुसार, पुर्नवासको जग्गा बितरण पश्चात बांकी रहेका टुक्राटाक्री जग्गा जोतभोग गरिरहेका बिपन्न नागरिकहरूलाई जिल्ला मालपोत कार्यालयले तोकेको मूल्यमा तीन बर्षे अवधि दिई किस्ता बन्दीमा जग्गा दिने निर्णय गरेको छ ।

कम्पनीको २०६८÷३÷१९ च.नं.–२१६५ पत्र प्राप्त भए पश्चात् साबिक सीतापुर गाविस निवासी मैनादेबी बुढाथोकी समेत १ सय ३२ जनाले प्रथम किस्ता बापत रू.३७ लाख ९४ हजार ५ सय ६० बुझाई सकेको अवस्था छ ।

तर पनि कम्पनीले हालसम्म पनि किस्ता बुझाएका नागरिकहरूका नाममा जग्गाधनी पूर्जा उपलब्ध नगराएको वडा अध्यक्ष ओलीले बताए । ‘सर्बसाधारणलाई निकै ठुलो अन्याय भईरहेकोले कम्पनीको पूर्व पत्रकै आधारमा सम्बन्धित जग्गावालाका नाममा कम्पनीले जग्गा धनी पूर्जा उपलब्ध गराउन ध्यानाकर्षण गराइएको छ ।’– अध्यक्ष ओलीले भने ।

सोही विषयमा खजुरा गाउँपालिकाका अध्यक्ष डम्बर बि.क.“तुफान“को पहलमा पूर्व उपसभामुख पूर्णा सुवेदी, बर्तमान समयमा बांके जिल्ला क्षेत्र नं.–३ बाट प्रतिनिधित्व गर्ने आशा बिक सहितको टिमले शहरी बिकास मन्त्रीसीता गुरूङ समक्ष ध्यानाकर्षण गराएको छ । मन्त्री सीता गुरूङले कम्पनीको महाप्रबन्धकको नियूक्त भए पश्चात् यो बिषयलाई पहिलो प्राथमीकतामा राखी यथासक्य चांडो आवश्यक प्रक्रिया अगाडी बढाउने प्रतिवद्द्ता जनाएकी छन् ।