नेपालगन्ज – २०६३ सालमा महिलाको अधिकारका लागि आवाज उठाउन उपकार
मञ्च गठन भयो । गाउँ समाजमा महिलालाई परेको अन्यायका बिषयमा सशक्त आवाज
उठाउँदै गर्दा महिलाको आत्मनिर्भरका कुरा पनि उठ्न थाले । त्यस पछि मन्च
आवद्ध महिला सदस्यले रु १० बचत गर्दै ऋण लिन दिन शुरु गरे ।

सानो पुँजीबाटै भए पनि मञ्चबाट महिलाहरुले ऋण लिने व्यापार व्यसाय गर्थे
। महिलाहरु आत्मनिर्भरको बाटो लागे । बाँकेको कोहलपुरमा त्यसरी शुरु भएको
महिला उपकार मन्च अहिले उपकार लद्यु बित्तीय संस्थाका रुपमा लुम्बिनी
प्रदेशभर कारोवार गरिरहेको छ । महिलाले स्थापना गरेको मात्र होइन उक्त
लद्यु बित्तलाई महिलाले नै नेतृत्व प्रदान गरिरहेका छन् । उक्त लद्यु
बित्तको अध्यक्ष शान्ती ढकाल हुन भने प्रमुख कार्यकारी अधिकृतमा शारदा
पोखरेल रहेकी छन् । लद्यु बित्त बनेको छोटो समयमै शाखा बिस्तारलाई
तिब्रता दिएको छ भने बाँके र बर्दियामा सबैभन्दा कर धेरै तिर्ने निकायको
सूचीमा परेर यसै आर्थिक वर्षमा आन्तरिक राजश्व कार्यालय नेपालगन्जबाट
सम्मानित समेत भइसकेको छ ।

महिलाले मात्र सन्चालन गरेको उक्त लद्यु बित्तको कार्यक्षेत्र लुम्बिनी
प्रदेश हो । पूर्वी रुकुम र गुल्मी बाहेक अन्य जिल्लामा ३३ वटा शाखा
सन्चालनमा रहेका छन् । २ अर्व २७ करोड लगानी गरिसकेको उपकारको चुँक्ता
पुँजी ६ करोड ५६ लाख रहेको छ । उपकार मन्चमा प्रदेशभर चालिस हजार
महिलाहरु आवद्ध भई बचत गर्दै आएका छ् ।

दोस्रो कार्यकालका लागि सिइओ नियुक्त पोखरेलले ३३ वटा शाखामा रहेका १ सय
८९ कर्मचारीको नेतृत्व गर्नुहुन्छ भने संस्थालाई प्रदेशकै उत्कृष्ट लद्यु
बित्त बनाउने जिम्मेवारी पनि सम्हाल्ने छिन् । पहिलो कार्यकालमा बचत गर्न
मात्र सीमित संस्था लद्यु बित्त बनाउन सफल भएको बताउनुहुँदै पोखरेलले
भनिन्,–‘अन्य जिल्लामा शाखा बिस्तार गरेर संस्थाको कार्यक्षमता र
कार्यक्षेत्र बिस्तार गर्न सफल भयौं । अब दोस्रो कार्यमालमा हामी भएकै
जिल्लामा थप र नभएका जिल्लामा शाखा बिस्तार गर्दै उत्कृष्ट लद्यु बित्त
बनाउने गरी काम गछौं ।’

२०६३ सालतिर बाँकेको कोहलपुरमा स्थापना भएको महिला उपकार मन्चले आफ्ना
सदस्यबाट दश रुपैया बचत उठाउँथ्यो । मन्चका अगुवाहरु गाउँ गाउँमा गएर
महिलाको समूह बनाउँथे । त्यही समूहबाट संकलन भएर बनाईएको महिला मन्च आज
राष्ट्र बैंकबाट अनुमती प्राप्त घ बर्गको बित्तिय क्षेत्र बन्न सफल भएको
हो ।

‘थोरै पैसाको बचतबाट महिलाले मात्र सुरु गरेको संस्था घ बर्गको बित्तिय
संस्था बन्न सफल भएको छ । असाध्यै खुसी छु ।’–संस्थाकी अध्यक्ष ढकालले
भनिन् । सम्पूर्ण महिलाको सम्पत्तीका रुपमा महिला उपकार मन्च रहेको
अध्यक्ष ढकालले भनिन् ।