बाँके-सवारी दुर्घटना न्यूनीकरणको लागि धम्बोजि चोक नेपालगंजमा ट्राफिक सचेतना कार्यक्रम आयोजना गरिएको छ । अस्थायी ट्राफिक प्रहरी पोष्ट नेपालगन्ज, बाँकेको सहकार्यमा योगदान राष्ट्रको लागि बाँके जिल्ला शाखाले उक्त कार्यक्रम आयोजना गरेको हो ।
सडक यात्रा गर्दा ट्राफिक नियमको पालनामा ध्यान नदिएको कारण सवारी दुर्घटनाको जोखिम बढ्ने गरेको बताउदै ट्राफिक नियम सम्बन्धि चालकहरु एवं पैदल यात्रीहरुलाई सचेत गर्न उद्देशले कार्यक्रमको आयोजना गरिएको आयोजक संस्थाको बाँके जिल्ला उपाध्यक्ष निर्मल सुवेदीले जानकारी दिए ।
” सडक यात्रा गर्ने सबैमा ट्राफिक नियम सम्बन्धि जानकारी हुनु अनिवार्य छ । कतिपय अवस्थामा एउटा सवारीको गल्तीले अर्को सवारीलाई जोखिममा पारेको हुन्छ । तसर्थ हामीले यस सचेतना कार्यक्रमको आवश्यकता महसुस गरेका हौँ ” सुवेदीले बताए ।
अस्थायी ट्राफिक प्रहरी पोष्ट नेपालगन्ज, बाँकेका प्रहरी सहायक निरिक्षक जंग बहादुर बस्नेतले ट्राफिक नियम सम्बन्धि जानकारी दिदै हरेक व्यक्तिमा ट्राफिक नियम बारे जानकारी हुनुपर्ने कुरा औँलाएका थिए ।
योगदान राष्ट्रको लागि बाँके जिल्ला शाखा उपाध्यक्ष निर्मल सुवेदीको संयोजकत्वमा आयोजित कार्यक्रममा संस्थाको केन्द्रीय उपाध्यक्ष राहुल कौशल, जिल्ला सदस्यहरु छत्र सुनार, सृष्टि सिंह ठकुरी, न्यान्सी शाह, चिरन्जिबी बुढा र अस्थायी ट्राफिक प्रहरी पोष्ट नेपालगन्जका प्रहरी सहायक निरिक्षक जंग बहादुर बस्नेत लगायत अन्य ट्राफिक प्रहरीहरु र स्वयंसेवकहरुको उपस्थित रहेका थियो ।
सो कार्यक्रममा सचेतनामूलक ब्रोसरहरु सवारी चालकहरुलाई वितरण गरि सचेतीकरण गरिनुको साथै सचेतनामूलक प्ले कार्डहरु पनि प्रदर्शन गरिएको थियो 
