नेपालगन्ज :नेपालगन्ज उपमहानगरपालिकाले सडकमा छाडा पशुचौपायाको बिगबगीलाई न्यूनिकरण गर्न कडा नीति अपनाएको छ । छाडा पशुचौपायाका कारण सडक दुर्घटना हुनेभएकोले सडकमा खुलेआम पशु छोड्ने पशुधनीलाई उपमहानगरपालिकाले कडा कारवाही गर्ने भएको हो ।
एनिमल नेपालको आयोजनामा मंगलवार नेपालगन्जमा गरिएको घोडा, खच्चड धनीहरुसंगको गोष्ठि तथा अन्तरक्रिया कार्यक्रममा प्रमुख अतिथि नेपालगन्ज उपमहानगरपालिकाका नगर प्रमुख प्रशान्त बिष्टले छाडा पशुधनीलाई कडा कारवाही गरिने निती ल्याएका छौं यसमा पशुधनिले साथ दिनु पर्ने बताउनुभयो ।
छाडा पशुहरुको कारणनै नेपालगन्जमा सडक दुर्घटना तथा शहर दुर्घन्धित हुने भएको बताउदै पशुहरुलाई व्यवस्थित तरिकाले व्यवस्थापन गर्न नगरप्रमुख बिष्टले आग्रह गर्नुभएको छ ।
सडकमा छोडिएका छाडा पशुचौपायाका कारण सडक दुर्घटना भएमा पशु नभई पशुधनि नै जिम्मेवार हुनुपर्ने उहाँले बताउदै पशुधनीले छाडा पशुलाई व्यवस्थित नगरेमा असोजपछि राज्यबाट पाउने सेवा सुविधा बन्द गर्ने जानकारी गराउँनुभयो ।
इडब्लूपी परियोजनाका संयोजक डा.दीपेन्द्र शाहले सडकमा धेरै देखिने पशु घोडा गाई र कुकुर रहेको बताउदै पशुधनीहरु गैरजिम्मेवार भएर पशुहरु छाडा रुपले सडकमा देखिने गरेको जानकारी गराउनुभयो । उहाँका अनुसार पशुबाट कुनै आर्थिक लाभ लिन नसक्दा र पशु अशक्त, बढौली लाग्यो भनेर पशुधनीले छाडा पशु छोड्ने भएकोले सडकमा देखिने गरेका छन् ।
छाडा पशुका कारण सडक दुर्घना हुन गई कसैको ज्यान गएमा पशुधनीलाइ १ बर्ष कैद र १० हजार रुपैया जरिवाना अथवा दुबै सजाय समेत हुने डा. शाहले बताउनुभयो ।
सडकमा छाडा पशु छोड्ने एक र बद्नाम हुने आफुहरु भएको कार्यक्रममा उपस्थित पशुधनीहरुले गुनासो सुनाएका छन् ।
घोडा, खच्चड, गद्या पाल्ने परिवारको सर्वेक्षरण र सडकमा छाडिएका पशु कसका हुन भन्ने पत्ता लगाउने प्रबृतिको बिकास नहुदा आफुहरु सास्ती खेप्दै आउनुपरेको उनीहरुले बताएका हुन ।
उनीहरुको अनुसार प्रत्येक मान्छेको घरमा कती जनावर छ्न भनी सर्बेक्षण गर्न सकियो भने सडकमा छाडा छोडिएको पशुहरु न्यूनिकरण हुने बताएका छन् ।
बाँकेमा ६ करोड ८८ लाख बजेट पशु कल्याणका लागि बिनियोजन गरिएको छ । भने नेपालगन्ज उपमहानगरपालिकाले सडकमा देखिने गाईहरुलाई व्यवस्थापन गर्न सम्भौता गरिएको छ ।
एनिमल नेपालका बरिष्ठ पशु चिकित्सक डा.अतिस कुमार यादबको अध्यक्षतामा भएको उक्त कार्यक्रममा एनिमल नेपालका फिल्ड अफिसर सारदा चौधरी, कम्युनिटी एजुकेटर रासिद अलि कसगर लगायत सय जना बढी पशुधनीको सहभागीता रहेको थियो ।
