नेपालगन्ज :बाँकेको बैजनाथ गाउँपालिका वडा नं। ७ पेडारी गाउँमा सडक निर्माणमा ढिलाई हुँदा स्थानियलाई सास्ती खेप्नुपरेको छ ।

ठेक्का लिएको कम्पनीले सडक निर्माणमा ढिलाई गर्दा स्थानियलाई सास्ती खेप्न परेको हो।
लामो समयसम्म पनि सडक निर्माणमा ठेकेदार कम्पनीले सडक निर्माणमा आनाकानी गर्दा स्थानियलाई हिड्दुल गर्न गाह्रो भएको स्थानियहरु बताउँछन् । सडक निर्माणको लागि ठेक्का पाएको बिएलएल निर्माण कम्पनीले ३ पटक समय थप्दा पनिसडक निर्माणको कार्य पुरा गर्न नसकेको स्थानिय दिपक थारुले भन्नुभयो । ठेक्का पाएको कम्पनीको लापरवाहीले गर्दा हामीलाई एकदम सास्ती खेप्नुपरेको छ उहाँले भन्नुभयो । समय थपेको थपे छ हामी जस्तो सोझा सिधा जनतालाई भने बाटोमा हिडदुल गर्न, उपचार तथा सवारीसाधान चलाउन एकदम गाह्रो भैरहेको छ स्थानिय दिपकले भन्नुभयो ।
३ बर्ष पहिले नै सडक निर्माणको कार्य सम्पन्न हुनुपर्ने हो तर ठेकेदार र स्थानिय पालिको लापरवाहीले सडक निर्माणमा ढिलाई भएको स्थानिय राधेश्याम थारुले आरोप लगाउनुभयो ।

वडाको बजेटबाट निर्माण हुन लागेको सडक ठेकेदार कम्पनीले वास्ता नगर्दा आम जनतालाई दुख भैरहेको उहाँले बताउनुभयो । विरामी पर्दा एम्बुलेन्स आउन नसक्ने स्थिती छ उहाँले भन्नुभयो, उपचार गर्न वा अटोरिक्सा चल्न र हिड्न सक्दैन बल्ल बल्ल मोटरसाइकल गुड्छ स्थानिय राधेश्यामले भन्नुभयो । मोटरसाइकल र साइकलमा कतिपटक मेरै आँखा अगाडी मान्छे लडेको देखेछु चेटपटक लागेर विरामी समेत भएका छन् यसको जिम्मा कोले लिने उहाँले भन्नुभयो  ।

स्थानिय तहका जनप्रतिनिधिलाई खबर गर्दा अहिले आउने र कामको प्रक्रिया अगाडी बढाउने भनेपनि कार्यन्वयन नगर्ने स्थानिय भरत कुमार थारुले भन्नुभयो । छिटो सडक निर्माणका लागि पालिकामा डेलिगेशन गयो तर पनि सुनवाई भएन उहाँले भन्नुभयो । पालिकाले ३ दिनभित्र काम अगाडी बढाउने आश्वासन दियो तर कार्यन्वयन गर्न सकेन उहाँले भन्नुभयो । काम गरेजस्तो गर्ने तर एकछिन मै भाग्ने गरेको उहाँले बताउनुभयो ।
४५० मिटर सडक निर्माण गर्न ३ बर्ष बढि समय लाग्यो अझ बनेन स्थानियलाई सास्ती कहिलेसम्म स्थानियले गुनासो गरेका छन् ।

३ बर्षमा ३ पटक सयम थप्दा पनि निर्माण कार्य अपुरो छ खाली जनतालाई आँखामा छारो हाल्ने जस्तै कार्य भएको छ स्थानिय निवर्तमान जनप्रतिनिधि वडा सदस्य गोपाल थारुले भन्नुभयो । हाम्रो पालामा बजेट विनियोजन भयो अहिले हामी निवर्तमान भयो ठेकेदार कम्पनीले एकछिन डोजर लिएर काम गरेजस्तो गर्ने र भाग्ने गरेको छ उहाँले भन्नुभयो । ३५ लाख बजेट रहेको सडक निर्माण अझै अपुरो छ । ३ बर्षमा ४५० मिटर बाटो कालोपत्रे हुनुपर्नेमा १ मिटर पनि कालो पत्रे बन्न सकेन उहाँले भन्नुभयो । बर्खायाममा झनै हिड्न सकिन्न कहिलेसम्म यस्तो सास्ती बेहोर्नु पर्छ उहाँले भन्नुभयो ।

बैजनाथ गाउँपालिका वडा ७ पेडारीका वडाअध्यक्ष दिनेश थारुले भने ठेकेदारलाई सडक निर्माणको कामलाई छिटो अगाडी बढाउनुस भन्दा नसुने झै गरेको जानकारी गराउनुभयो । धेरै जसो निर्माण कम्पनीको जिम्मेवार व्यक्तिले फोन नउठाउने गरेको वडा अध्यक्ष दिनेश थारुले बताउनुभयो ।

बिएलएल निर्माण कम्पनीका गोपाल आचार्य ०७७ जेठमा सम्झौता भएको सडक निर्माण पालिकाले डिसिजन नदिदा ढिलाई भएको बताउनुभयो ।
हामीले ग्राभेल हालेको ठाउँमा पालिकाले अर्को नाली निर्माणको सम्झौता ढिलाई गर्दा र नाली निर्माण गर्दा ग्राभेल हालेको ठाउँमा नाली निर्माण हुदा समस्या बल्झिएको गोपालले भन्नुभयो ।

तेश्रो पटकको सम्झौताको म्याद पनि ०८० असार १५ गते सकिएपनि काम अझै हुन नसकेको ठेकेदार गोपालले बताउनुभयो । यस्तै बैजनाथ गाउँपालिकाका अध्यक्ष प्रकाश बहादुर शाहीले भने ठेक्का पाएको कम्पनीबारे नियमसंगत कालो सुचीमा राख्ने प्रक्रिया अगाडी बढेको छ ।

काम राम्रोसंग नगर्ने र ढिलाई गर्ने कम्पनीको लिस्ट तयार हुदैछ कानुन अनुसार प्रक्रिया अगाडी बढेको छ अब त्यस्ता कम्पनीलाई कालो सुचिमा राख्ने पालिकाले निर्णय गरेको पालिका अध्यक्ष शाहीले भन्नुभयो । पेडारीको सडकको लागि बारम्बार तोकता गर्दा पनि निर्माण कम्पनीले चासो नदिदा अव कालो सुचिमा राख्ने जानकारी गराउनुभयो ।