नेपालगन्ज -खाद्य प्रविधि तथा गुण नियन्त्रण कार्यालय ले प्रत्येक बर्ष तीन तीन महिनाको आफुले गरेको कामको कार्यप्रगती सार्वजनिक गर्ने गरेको छ ।
बजारको बेथिति अनुगमनका बेला फेला पर्ने गरेको छ । सरोकारवाला कार्यालयको औपचारिक कार्यक्रमहरूमा सार्वजनिक हुने तथ्यांकले बजारमा देखिने गरेको बेथिति स्पष्ट हुन्छ ।
अनुगमन र कारवाही हुँदा पनि बजारको अवस्था सुध्रन नसकेको भन्दै आइतबार नेपालगन्जमा आयोजित खाद्य प्रविधि तथा गुण नियन्त्रण कार्यालय बाँकेले आयोजना गरेको आ.व. २०७९/०८० को प्रथम त्रैमासिक प्रगति समिक्षा गोष्ठीका सहभागीले उपभोक्ता सचेतना नै उपभोक्ता हितको प्रभावकारी र दीर्घकालीन अवस्था हुने बताएका थिए ।
कार्यक्रममा सहभागी विभिन्न सरकारी कार्यालयका प्रमुख तथा प्रतिनिधि लगायतका सहभागीले उपभोक्ता सचेतना आवश्यक रहेकाले अनुगमन, कारवाही सँगसँगै सचेतनाको पाटोमा पनि थप काम गर्न आवश्यक रहेको औंल्याएका थिए ।
खाद्य प्रविधि तथा गुण नियन्त्रण कार्यालय बाँकेका प्रमुख अमित भुषण सुमनले अनुगमन र कारवाही सन्देशात्मक हुने तर्क गर्दै त्यसैका कारण अहिले उद्योगी, व्यवसायी र उपभोक्ता खाद्य वस्तु खरिद गर्दा लेभल हेर्ने गरेको बताउँछन् ।
बार्षिक तथ्यांक प्रस्तुत गर्दै कार्यालय प्रमुख सुमनले प्रथम त्रैमासिकमा कार्यक्षेत्र रहेको ६ जिल्लाबाट ७ सय २४ नमूना परीक्षणका लागि संकलन गरेकोमा ३४ वटा प्रतिकुल भेटिएको जानकारी दिएका थिए ।
कार्यक्रममा दाङ्ग कार्यालयका रमेश कुमार चौधरीले प्रथम त्रैमासिकको तथ्यांक प्रस्तुत गरेका थिए । कार्यक्रममा जनशक्ति कम हुँदा पनि काम गर्न कठिनाई भएको जानकारी गराइएको थियो ।
खाद्य निरीक्षक ज्योति आचार्यले सञ्चालन गरेको कार्यक्रममा स्वागत एकराज बुढाथोकीले गरेका थिए ।
उक्त कार्यक्रममा उपभोक्ता हित संरक्षण कार्यालय प्रमुख बसन्त गौतम ,घरेलु तथा साना उद्योग कार्यालय लेखा अधिकृत उजिर प्रसाद न्यौपाने ,खाद्य आयात निर्यात तथा प्रमाणीकरण कार्यालय प्रमुख सन्तोष दाहालले सुझाव हामी सबैको हातेमालो र उपभोक्ताको सचेत बाट मात्र यो कार्यलाई न्यूनीकरण गर्न सकिने बताएका थिए ।
