नेपालगन्ज । नेकपा एमाले र (राप्रपा) सयुक्त चुनावी तालमेलका प्रतिनिधि सभा सदस्य बाँके क्षेत्र नम्बर २ राप्रपा महामन्त्री डा.धवल समशेर राणा आज भोलि क्षेत्रका विभिन्न वडाको कोण सभामा ब्यस्त देखिन्छन् ।
नेकपा एमालेको नगर कमिटीको अध्यक्ष दत्त प्रसाद आचार्य अहिलेको संयुक्त राप्रपा र एमाले तालमेलको निर्वाचन परिचालन कमिटीको सचिवालय सदस्य तथा एमालेको तेस्रो कार्यकाल सम्मको सर्वसम्मत अध्यक्ष अहिले घरदैलो अभियान र कोण सभामा नेकपा एमालेको तर्फ बाट चुनावी कमान्डरको रुपमा प्रस्तुत हुनु भएको छ।
जसरी पनि बाँके क्षेत्र नम्बर २ मा प्रतिनिधि सभा सदस्य डा.धवल समशेर राणा प्रदेश सभा सदस्य (ख)का उम्मेदवार निरक गुरुङ र( क)का उम्मेदवार विजय बहादुर यादव जिताउन अहोरात्र खटिएका आचार्य नियमितरुपमा राप्रपा र एमालेको विभिन्न कार्यक्रममा अग्रमोर्चामा देखिने गरेको पाइएको छ ।
बाँके क्षेत्र २ मा भएका चुनावी सभालाई आफ्नो पार्टीले गरेका काम र भविस्यमा गर्ने काम लाई जनतामा बुझाउदै ,भोट मागेको देख्न सकिन्छ ।
स्थानीय तह निर्वाचनमा पनि पार्टीको पक्षमा माहोल बनाउन उनी आफैं चुनावी कमान्डर बनेर खटिएका हुन्। उनले अहिले एमाले र राप्रपाको शक्ति निर्वाचनमार्फत प्रकट हुने बताउँदै आएका छन्।
पार्टीको पक्षमा जनमत देखिएको भन्दै सम्पुर्ण राप्रपा र एमालेका कार्यकर्तामा खुसियाली आएको र प्रतिनिधि सभा र प्रदेश सभा निर्वाचनमा प्रतिनिधि सभा सदस्य उम्मेदवार डा.धवल समशेर राणा हलो चिन्हमा मतदान गरेर र प्रदेशमा निरक गुरुङ (ख)मा र (क) विजय बहादुर यादव सुर्य चिन्हमा जनता जनार्दनले विश्वास गरेर जितिने पनि उनको दाबी छ।
आज नेकपा एमालेले बाँके पार्टी कार्यालयमा गरेको पार्टी प्रवेश कार्यक्रममा १२३ जना युवा विभिन्न पार्टी परित्याग गरेर नेकपा एमाले प्रवेश गरेको पनि अध्यक्ष आचार्यले बताउनु भएको छ ।
