एजेन्सी– बेइजिङसँग बढ्दो तनावबीच ताईवान टापुको प्रतिरक्षालाई बढावा दिन संयुक्त राज्य अमेरिकाले शुक्रबार ताइवानलाई १.१ अर्ब डलरको नयाँ हतियार प्याकेज घोषणा गरेको छ । अमेरिकी तल्लो सदनकी सभामुख न्यान्सी पेलोसीले ताइवान भ्रमण गरेको एक महिनापछि अमेरिकाले उक्त टापुलाई हतियार प्याकेज घोषणा गरेको हो ।
उक्त सहयोग ताइवानको सुरक्षाका लागि अपरिहार्य भएको अमेरिकी विदश मन्त्रालयका प्रवक्ताले जनाएका छन् । “हामी बेइजिङलाई ताइवानविरुद्धको सैन्य, कूटनीतिक र आर्थिक दबाब बन्द गर्न र ताइवानसँग अर्थपूर्ण वार्तामा संलग्न हुन आग्रह गर्दछौं,“ प्रवक्ताले भने ।
पटक पटक चीनको चेतावनीका बाबजुद अमेरीकी अधिकारीहरुको भ्रमण लगत्तै अमेरीकाले ठूलो परिणाममा ताईवानलाई हतियार दिएर चीन बिरुद्ध उकासेको छ ।
चीनले अमेरीकाको उक्त कदमको कडा भत्र्सना गरेको छ ।
चीनले ताईवान सीमा नजिक बिशाल सैन्य तैनाथी जारी राखेको छ ।
