नेपालगन्ज – खाद्य प्रविधि तथा गुण नियन्त्रण कार्यालय नेपालगंजले आ. व. २०७८/७९ को चौथो त्रैमासिक तथा वार्षिक प्रगति समिक्षा गोष्ठी सम्पन्न गरेको छ ।

कार्यक्रममा खाद्य प्रविधि गुण नियन्त्रण डिभिजन कार्यालय दांग, प्रधानमन्त्री कृषि आधुनिकिकरण परियोजना ईकाई कार्यालय बाँके, खाद्य आयात निर्यात तथा गुणस्तर प्रमाणीकरण कार्यालय नेपालगंज, बाणिज्य आपूर्ति तथा उपभोक्ता संरक्षण कार्यालय, उपभोक्ता हक हित संरक्षण मंच बाँके, पत्रकार लगायतका सरोकारवालाहरुको तर्फबाट सहभागिता रहेको थियो ।

उक्त कार्यक्रममा, खाद्य प्रविधि तथा गुण नियन्त्रण कार्यालयको खाद्य अनुसन्धान अधिकृत प्रतिक्षा श्रेष्ठले कार्यालयको वार्षिक प्रगति प्रतिवेदन प्रस्तुत गर्नु भएको थियो भने डिभिजन कार्यालय दांगको वार्षिक प्रगति प्रतिवेदन खाद्य निरीक्षक राजेश चौधरीले प्रस्तुत गर्नु भएको थियो ।

आ.व. २०७८/७९ मा यस कार्यालयले शुन्य बेरुजु सहितको उल्लेखनीय वित्तीय तथा भारित प्रगति (क्रमशः
९२.९% तथा ९२%) हासिल गर्न सफल भएको छ । यसै गरी यस कार्यालयले अघिल्लो आ.व. मा रु.
५१,९२,७००/- राजश्व संकलन गरेको छ । यस्तै उजुरी/गुनासो सम्बोधन लगायतका सुशासन तर्फका कामहरु पनि उल्लेखनीय भएको देखिन्छ ।

खाद्य ऐन २०२३ / खाद्य नियमावली २०२७ कार्यान्वायन गराउने र खाद्य उद्योग अनुज्ञापत्र जारि गर्ने मुख्य
निकायको रूपमा परिचित यस खाद्य प्रविधि तथा गुण नियन्त्रण कार्यालय नेपालगंजले मातहतका कार्यक्षेत्रहरुमा खाद्य स्वच्छता कायम गर्न खाद्य उद्योग/ बजार अनुगमन, निरीक्षण, नमुना संकलन गर्ने र विभिन्न सचेतना मुलक कार्यक्रम, अन्तरक्रिया, भेला र सूचना सामग्री प्रचार प्रसार गर्दै आएको छ ।

यसरि कार्यालयले गर्नु पर्ने सम्पुर्ण कार्यक्रमहरू शत प्रतिशत गरेको छ ।
यस कार्यालयले आ.व. २०७८/७९ मा जम्मा ४०५ वटा व्यवसाय अनुगमन गरेको छ भने उपभोग्य मिति सकिएको, लेवल वेगरका तथा अन्य कैफियत देखिएका खाद्य वस्तु रु. ३,६३,६६०/- वरावरको जफत गरि नष्ट गरिएको छ । यस कार्यालय अन्तर्गत प्रयोगशालामा तरकारी/फलफूल नमुनाको द्रुत विषादी अवशेष परिक्षण १०,२२० वटा तथा अन्य खाद्य तथा दाना नमुना विश्लेषण २,२८१ वटा गरेको छ ।

कार्यक्रमको अन्त्यमा कार्यालयका निमित्त कार्यालय प्रमुख अमित भुषण सुमनले सम्पूणर् सरोकारवाला हरुलाई धन्यवाद ज्ञापन गर्दै, आगामी दिनहरुमा यस कार्यालयले अझै राम्रा राम्रा काम गर्दै जाने लक्ष्य लिएको र यसको लागि सबैको साथ सहयोगको अपेक्षा रहेको बताउनु भयो ।