आज देशभक्त नेपाली जनताले स्पष्ट देख्न थालेका छन् — नेकपा एमालेलाई कमजोर बनाउने षड्यन्त्र फेरि सक्रिय भएको छ। दुर्भाग्यवश, देशको सर्वोच्च पद सम्हालेका एकजना निवर्तमान राष्ट्रपतिसमेत विदेशी शक्तिको इसारामा चल्ने खेलमा संलग्न देखिनु अत्यन्तै निन्दनीय छ।
माओवादी र समाजवादी शक्तिहरूको साथमा, यिनै षड्यन्त्रकारीहरूले नेकपा एमालेलाई विभाजन गराउने, जनताबीच भ्रम सिर्जना गर्ने र देशभक्त शक्तिलाई कमजोर बनाउने प्रयास गरिरहेका छन्। तर, नेपाली जनताले यस्ता चालबाजी अब बुझ्न थालेका छन्।
निवर्तमान राष्ट्रपतिज्यू, तपाईंको यो भूमिका शहीद मदन भण्डारीको आदर्शमाथि प्रहार हो। उहाँले देखाएको राष्ट्रियताको बाटो, स्वाभिमान र स्वाधीनताको मार्ग तपाईंले बिर्सनुभयो भने, त्यो उहाँको आत्मामाथि घात हुनेछ। हामी तपाईंलाई आग्रह गर्न चाहन्छौं — तपाईंले गर्नु भएको यस्तो कदमले शहीद मदन भण्डारीको आत्मालाई ठेस पुगेको छ।
हामी प्रष्ट छौं — हाम्रो यात्राको मार्गनिर्देशक केपी शर्मा ओली नै हुनुहुन्छ। उहाँको नेतृत्वमा नै हामी राष्ट्रनिर्माण, स्थिरता र समृद्धिको यात्रामा अघि बढ्नेछौं। विदेशी इसारामा चल्ने दलाल प्रवृत्तिहरूलाई नेपाली जनताले कहिल्यै स्वीकार गर्ने छैनन्।
देशको लागि, संविधानको लागि,
शहीदहरूको बलिदानको सम्मानका लागि
नेकपा एमाले बलियो बनोस्!
रवि शंकर बर्मा
युवानेता नेकपा एमाले, बाँके
