काठमाडौं । रत्नराज्य लक्ष्मी (आरआर) क्याम्पसको स्ववियु सचिब शैलेन्द्र उपाध्याय चयन भएका छन् । निर्धारित मितिमा चुनाव हुन नसकेपछि सर्वदलिय बैंठक मार्फत नेबिसंघका उपाध्यायलाई सहमति गरेर सचिबको जिम्मेवारी दिएको हो ।
त्यसैगरी, सभापतिमा अनेरास्ववियुका लोकेश खड्कालाई जिम्मेवारी दिइएको छ।
उपाध्यक्षको जिम्मेवारी अखिल क्रान्तिकारीका संगम कुमार लामा तामाङ दिइएको छ ।बुधबार सर्वसम्मत २१ सदस्यीय स्वतन्त्र विद्यार्थी युनियन चयन भएको छ । विद्यार्थी संगठनबीचको विवादको कारण गत चैत ५ गते तोकिएको स्ववियु निर्वाचन आरआरमा हुन सकेको थिएन । पाटन उच्च अदालतले निर्वाचन गराउन आदेश दिएपछि छलफल डाकिएको थियो । उक्त छलफलले सर्वसम्मत स्ववियु चयन गरेको हो ।
स्नातक तह चौथो वर्षमा अध्यनरत उपाध्याय सरल सहयोगी नजिकबाट क्याम्पसलाई बुझेका बिद्यार्थीहरुको दुख सुखमा हातेमालो गर्ने गरेका शालिन र अब्बल ब्यक्तिको रुपमा परिचित छन् ।
