बाँके – खाद्य प्रविधि तथा गुण नियन्त्रण कार्यालय, नेपालगंज, बाँकेले कार्यालयको आ.व. २०८०/८१ को “चौथो त्रैमासिक तथा बार्षिक समिक्षा गोष्ठी” सम्पन्न गरेको छ।
यस कार्यालयले आ.व. २०८०/८१ कोर १ वर्षअवधिमा ३६६ पटक विभिन्न प्रकारका खाद्य व्यवसाय अनुगमन गरेको र उपभोग्य मिति सकिएको, लेवल विवरण नभएको तथा अन्य कैफियत देखिएका खाद्य वस्तुहरु लगभग रु. ३,१२,७७० बराबरको जफत नष्ट गरेको छ।
कार्यक्रमका प्रमुख अतिथि जिल्ला प्रशासन कार्यालय, बाँकेका सहायक प्रमुख जिल्ला अधिकारी लाल बहादुर गुरुङले कार्यक्रम सफलताको शुभकामना दिनुहुदै यस कार्यालयको जिम्मेवारी गहन रहेकोले यस कार्यालयले गरेका काम अझ प्रभावकारी रुपमा जनतामाझ पुर्याउनुपर्ने बताउनुभयो।
यस आवधिमा कार्यालयले २८४ पटक व्यवसाय अनुगमन गरेको
कार्यक्रमको अन्त्यमा कार्यालयका निमित्त कार्यालय प्रमुख अमित भूषण सुमनले कार्यालयले यस क्षेत्रको खाद्य स्वच्छता कायम गर्न नियमित काम गरिरहेको बताउनुभयो।
खाद्य स्वच्छता एउटा निकायको प्रयासले मात्र सम्भव नहुने हुँदा सबै सरोकारवालालाई साथ सहयोगको लागि आवान गर्नुभयो।
यस कार्यालय अन्तर्गत प्रयोगशालामा १८९५ वटा खाद्य तथा दाना नमुनाहरु विश्लेषण भएकोमा १४४ वटा नमुनाहरुमा कैफियत देखिएको थियो।
उक्त कार्यक्रममा खाद्य प्रविधि तथा गुण नियन्त्रण कार्यालय नेपालगंजको वार्षिक प्रगति प्रतिवेदन खाद्य अनुसन्धान अधिकृत रामहरी लामिछानेले प्रस्तुत गर्दै कार्यालयको वित्तीय प्रगति ७३प्रतिशत, भारित प्रगति ८५.२७ प्रतिशत र राजश्व संकलन रु. १८,१३,८८०रहेको जानकारी गराउनुभयो।
उहाँले प्रगति कम हुनुको कारण भाद्र अन्तिममा मात्र बजेट प्राप्त भएको र दरबन्दी अनुसार कर्मचारी नभएको बताउनुभयो।
यसै गरि खाद्य प्रविधि तथा गुण नियन्त्रण डिभिजन कार्यालय, दाङको प्रगति प्रतिवेदन प्रस्तुत गर्दै कार्यालयका प्राविधिक सहायक सुदर्शन गोसाईले लक्ष्य अनुसार प्रगति भएको बताउनुभयो।
खाद्य अनुसन्धान अधिकृत रामहरी लामिछानेले संचालन गरेको कार्यक्रममा खाद्यअनुसन्धान अधिकृत एकराज बुढाथोकी ले स्वागत मन्तव्य राख्नु भएको थियो।
कार्यक्रममा विभिन्न सरकारी निकायका कार्यालय प्रमुख/प्रतिनिधि, उद्योग बाणिज्य संघका प्रतिनिधि, उपभोक्ता कर्मी, विभिन्न संघ/संस्थाका प्रतिनिधि, पत्रकार लगायतको सहभागिता थियो।
