टेन्टिन लेगास्पी मेनेसिस कार मेकानिक हुन् । उनले आफू संसारकै सबैभन्दा हट मेकानिक भएको दावी गर्छिन् ।
गाडी मर्मत गर्न आउने कैयौं मानिसहरु उनीसँग बाहिर भेट्ने प्रस्ताव पनि राख्छन् । उनले यस्ता मानिसहरुको प्रस्ताव पटक पटक अस्वीकार गर्नु परिरहन्छ । टेन्टिन मोडलिङ पनि गर्छिन् र मोडलिङमा पनि उनी निकै चर्चित भएकी छिन् ।
उनी फिलिपिन्सकी हुन् र आफूलाई ‘प्राउड फिलिपिना ब्युटी’ भन्छिन् ।
टेन्टिनले विगत १० वर्षदेखि मेकानिकको काम गरिरहेकी छिन् । उनले १५ वर्षको उमेरमै मेकानिकको काम सुरु गरेकी थिइन् । अहिले उनी २६ वर्षकी भइन् । पुरुषहरुको ‘से क्सिस्ट कमेन्ट’ले उनलाई कुनै फरक पर्दैन । उनको ध्यान काममा हुन्छ । द सन अखबारसँग कुरा गर्दै उनले भनिन् ‘म एक्लै काम गर्न मन पराउँछु किनकि पुरुषहरुले घुरेर हेर्दा असहज महसुस गर्छु ।’
मानिसहरु उनलाई ग्यारेजमा काम गरिरहेको देखेपछि प्रश्न सोध्छन् त्यसपछि कुरा बढाउँदै जान्छन् । उनको ध्यान भने छिटोभन्दा छिटो काम पूरा गर्नु हुन्छ र उनले अहिले यसप्रकारका मानिसहरुलाई बेवास्ता गर्न पनि सिकिसकेकी छिन् । टेन्टिन भन्छिन् ‘पुरुषहरुलाई आकर्षित गर्नको लागि मैले यो पेसा रोजेको होइन । मैले यो काम आफ्नो लागि गर्छु । कसैले मेरो बारेमा के सोच्छ भन्ने कुराले मलाई फरक पर्दैन ।’
उनलाई हाइस्कुलमा छँदा नै मेकानिक बन्ने इच्छा जागेको थियो । तर, यो पेशाका पुरुषहरुको वर्चश्व छ त्यसैले उनका शिक्षक उनले यो काम गरुन् भन्ने चाहँदैनथे । तैपनि टेन्टिन अटोमोटिभ कोर्समा भर्ना भइन् । अहिले उनी आफ्नै पसलमा काम गर्छिन् । टेन्टिनका अनुसार उनी बाल्यकालदेखि नै कारका पुर्जाहरुसँग खेल्दै आइरहेकी छिन् ।
टेन्टिनले भनिन्- ‘म मोडलिङ पनि गर्छु त्यसैले ग्ल्यामरस मेकअप गर्छु । मैले मेकानिकको काम पनि गर्नुपर्छ जसका कारण मेरो हात फोहर हुन्छ । तैपनि मलाई कारको काम गर्न निकै मन पर्छ ।’
