बाँके । राप्तीसाेनारी -७ भगडा गाउँमा लुटेराले आतंक मच्चाएका छन् । साेमवार राति दर्जन व्यक्तिको समुहमा गाउँ पसेका लुटेराको समुहले भगडाका २ परिवारका घरमुलीलाई बाधेर २ तोला सुन, ३ किलो चादी, २ लाख ५० हजार नगद रुपैयाँ र २ खसी लुटेराले लुटेकाे दावी गरिएको छ । प्रहरी घटनाकाे अनुसन्धान गरिरहेकाे छ ।
राती आन्दाजी १२ बजे गाउँ पसेका लुटेराले घरका सबैलाई बाहिर निकालेर महिलाहरूलाई बलात्कार गर्न खोज्दा घरमुलीलाई बाधेर मलसमान लुटेर लगेको स्थानीय धनबहादुर लामिछानेले बताए। घटनाकाे मुचुल्का उठाउँदै गरेको जानकारी बेताहनी प्रहरी चौकीका इन्चार्ज श्यमकुमार कुमालले बताए । मुचुल्का उठाएपछि जानकारी दिने उनले जानकारी दिए । चोरी गरिसकेपछि लुटेराहरु भागेको स्थानीय घरपरिवारका सदस्यहरुले बताएका छन् ।
