नेपाललगन्ज । मंगलवार खजुरा गाउँपालिकामा रहेकाे सुशील काेइराला प्रखर क्यान्सर अस्पतालमा ब्लड बैंक र ‘हेमाटोलोजी वार्ड ’ को उद्घाटन गरिएको छ । अस्पताल सुधारमा ठुलाे प्रगति भएको अस्पतालका निर्देशक डा निरज भट्टराईले जानकारी दिए ।
संघीय सांसद तथा नेपाली कांग्रेसका सह -महामन्त्री किशोरसिंह राठाैरले उद्घाटन गरेका हुन । उनले ब्लड बैंकको शुरुआतले बिरामीलाई राहत हुने बताए ।
खजुरा गाउँपालिकाका अध्यक्ष डम्बर बिक तुफानका अनुसार,पालिकाले कर्मचारी र अन्य व्यवस्थापन गरेकाे छ भने नेपाल रेडक्रस साेसाइटिले प्राबिधीक सहयाेग गरेकाे छ । अस्पतालका अध्यक्ष टेकेन्द्र मल्लले अब रगतका बिरामी अन्त जानुपर्ने बताए ।
रेडक्रस सोसाइटी, खजूरा गाउॅंपालिका र शुशील कोईराला प्रखर क्यान्सर अस्पतालको सहकार्यमा स्थापित ‘ब्लड बैंक ‘तथा शुशील कोइराला प्रखर क्यान्सर अस्पतालको ‘हेमाटोलोजी वार्ड ’(ब्लड क्यान्सरको उपचार हुने वार्ड) को समुद्घाटन सम्पन्न भएको हो। यसै अवसरमा बृहत रक्तदान कार्यक्रमको पनि आयोजना गरिएको निर्देशक डा भट्टराईले बताए ।
उनका अनुसार, यो सेवा विस्तारसॅंगै अब रगत लिनकै लागि नेपालगंज/कोहलपूर धाउनुपर्ने र ब्लड क्यान्सरकै उपचारको लागि चितवन / काठमाण्डौ वा भारत जानैपर्ने बाध्यता हटेको छ।
