नेपालगन्ज– नेपालगन्ज– खजुरासडक काम नगरेर अधुरो छोड्ने ठेकेदारसंग सडक डिभिजन कार्यालय नेपालगन्जले सम्झौता रद्ध गरेको छ ।
सडक डिभिजन कार्यालय नेपालगन्जका अनुसार, २०७४ सालमा उक्त सडकखण्डलाई चारलेनमा बिस्तार गर्न गजुरमुखी कन्ट्रक्सनसंग सम्झौता भएको थियो ।
तर तीन पटक म्याद थप र त्यस यता पनि लगातार बिभिन्न सुबिधा दिएर काम गर्ने अवसर दिँदा पनि काम नगरेपछि बाध्य भएर सम्झौता तोड्ने निर्णय गरिएको हो ।
खजुरा गाउँपालिकाका अध्यक्ष डम्बर बिक तुफानले नेपालगन्ज गुलरिया सडक खण्डको खजुरा बजार क्षेत्रमा निर्माणाधिन फोरलेन सडक निर्माण कम्पनी गजुरमुखि निर्माण कम्पनी प्रालिले समयमै काम सम्पन्न नगर्दा आवत जावतमा समस्या भएको बताए ।
वातावरणमा समेत असर पुगी जनताले पटक– पटक दबाव दिंदा पनि समयमा काम सम्पन्न नभएको बताए । गत २०८० बैशाखमा बिकको नेतृत्वमा जनप्रतिनिधिहरुको डेलीगेसन सडक डिभिजन कार्यालय बाँकेमा गएर अविलम्ब सडक निर्माण कार्य संचालन गर्न दबाव दिएपछी काम सुचारु भएको थियो ।
तर २०८० असार मसान्त सम्म काम सम्पन्न नगरेपछी पुन गाउँपालिका बाट ठेक्का तोडि अन्य प्रकृयाबाट कार्य सुचारु गर्न पालिकाको पहल गरेको बिकले बताए ।
