बाँके । बाँके क्षेत्र नम्बर २ बाट निर्वाचित सांसद डा. धवल समशेर राणाले आफूले सांसदको हैसियतमा पाउने तलबभत्ता सामाजिक कामको लागि उपयोग गर्ने चुनावमा घोषणा गरे अनुसार सामाजिक कार्यको लागि सोमबार विश्व हिन्दु परिषद बाँकेलाई रु ५० हजार दिनु भएको छ ।
राज्यबाट प्राप्त तलबभत्ता जिवनभर सामाजिक कार्यमा लगाऊने बाँचा अनुसार नियमित झै आजपनि बिश्व हिन्दु परिषद नेपाल बाँकेलाई रु.५०,०००(पचास हजार) सहयोग गरिएको हो ।
आफ्नो सचिवालय सामाजिक संजाल फेसबुक मार्फत सदस्य डा.राणाले राज्यबाट दिइने तलब भत्ता सामाजिक कामको लागि विश्व हिन्दु परिषद बाँके लाई बुझाएको तस्बिर सार्वजनिक गरेका हुन ।
तलबभत्ताको सुरुवाती चरण बाटै विभिन्न सामाजिक कार्यको अभियान’मा खर्च गरिने उल्लेख गरेका हुन ।
बाँके क्षेत्र नम्बर ०२ मा भएका मठमन्दिर,मस्जिद ,मानवसेवा आश्रम,अन्य सामाजिक कार्य गर्ने संघ संस्था विकास निमार्णको काममा सहयोग गर्ने बताउनु भएको छ ।
