नेपालगन्ज – बिश्व खाद्य स्वच्छता दिवसको अवसरमा मुल समारोहको रुपमा नेपालगन्जका समुदायिक बिद्यालयका बिद्यार्थिहरुको बिचमा नेपाल खाद्य बैज्ञानिक तथा प्राविधिज्ञ संघ (NEFOSTA) मध्य पश्चिम ईकाइ नेपालगन्जको आयोजना तथा खाद्य प्रविधि तथा गुण नियन्त्रण कार्यालय नेपालगन्ज र खाद्य आयात निर्यात गुणस्तर प्रमाणिकरण कार्यालय नेपालगन्जको सहकार्यमा मा “स्वच्छ खाना, स्वस्थ जीवन” बिषयक बिद्यालय स्तरिय वक्तृत्वकला प्रतियोगिता आयोजना गरिने भएको छ ।
खाद्य पदार्थमा मापदण्ड, जीवन रक्षाको आधारस्तम्भ” भन्ने नारा सहित नेपाल खाद्य बैज्ञानिक तथा प्राविधिज्ञ संघ (NEFOSTA) मध्य पश्चिम ईकाइ नेपालगन्ज,र खाद्य प्रविधि तथा गुण नियन्त्रण कार्यालय नेपालगन्ज , खाद्य आयात निर्यात गुणस्तर प्रमाणिकरण कार्यालय नेपालगन्जले संयुक्त रुपमा नेपालगन्जमा सप्ताहव्यापी विश्व खाद्य स्वच्छता दिवस मनाउने खाद्य आयात निर्यात गुणस्तर प्रमाणिकरण कार्यालय नेपालगन्ज कार्यालय प्रमुख सन्तोष दाहालले बताउनु भयो ।
खाद्य पदार्थमा हुने मिसावट कम गर्न तथा स्वच्छता र गुणस्तर कायम राख्न विभिन्न प्रचारात्मक कार्यक्रम सहित सप्ताहव्यापी कार्यक्रम गरि दिवस मनाउने गरिएको कार्यालय प्रमुख दाहालले बताउनु भयो ।
यसै सन्दर्भमा नेपालमा जेठ १८ देखि २४ सम्म सप्ताहव्यापि खाद्य स्वच्छता दिवस मनाउने आयोजना गरिएको हो।
उक्त प्रभातफेरी कार्यक्रम खाद्य प्रविधि तथा गुण नियन्त्रण कार्यालय नेपालगन्जको प्राङगणबाट सुरु भइ नगरपरिक्रमा गरि कोणसभामा परिणत गरिने जानकारी आयोजकले दिएका छन ।
सप्ताहमा बिद्यालय सचेतना कार्यक्रम, सुचना प्रचार प्रसार, सरोकारवाला अन्तर्क्रिया कार्यक्रम सहित जेठ २४ गतेका दिन बिहान खाद्य प्रविधि तथा गुण नियन्त्रण कार्यालय नेपालगन्जको आयोजनामा प्रभातफेरी कार्यक्रमको समेत गरिने भएको छ ।
खाद्य श्रृंखलाको विभिन्न चरणमा खाद्य पदार्थको स्वच्छता र गुणस्तर कायम राख्न विभिन्न सरोकारवालाहरुको भूमिकालाई महत्व दिई आ-आफ्नो क्षेत्रबाट उपयुक्त रुपमा सम्बोधन गर्न सम्वन्धित सरकारी एवं गैर सरकारी संघसस्थाहरु, अन्तर्राष्ट्रिय विकास साझेदारी संघसस्थाहरु, खाद्य उद्योगहरु, खाद्य तथा पोषणसँग सम्बन्धित संघसस्थाहरु, उपभोक्ता हकहितसँग सम्बन्धित संघसंस्थाहरुका सहकार्यमा विविध कार्यक्रमहरु सहित खाद्य स्वच्छता दिवस मनाउन लागिएको नेपाल खाद्य बैज्ञानिक तथा प्राविधिज्ञ संघ (NEFOSTA) नेपाल मध्य पश्चिम ईकाइ नेपालगन्जका अध्यक्ष सन्तोष पोखरेलले जानकारी दिनुभयो ।
