नेपालगंज । भनिन्छ रक्तदान नै जीवनदान हो । रगत पैसा तिरेर पनि पाँईदैन, पसलमा किन्न पनि पाइँदैन, बेलैमा रगत नपाएमा मान्छेको जीवन जोखिममा पर्दछ । बन्दाबन्दीको यो अवस्थामा रगतको चरम अभाव भएको छ । उपत्यकाका अधिकांश ब्लड बैङ्कमा सबै समूहको रगत अभाव छ । यति बेला दुर्घटना तथा शल्यक्रिया, प्रसूति लगायतका आपत्कालीन उपचार चाहिने बिरामी रगत नपाएकै कारण जीवन र मरणको अवस्थामा अस्पतालको शय्यामा छटपटाइरहेका छन् ।
सन्त निरंकारी मण्डल नेपालगन्ज शाखाको बृहत् रक्तदान कार्यक्रम सम्पन्न भएको छ ।
सन्त निरंकारी मण्डल नेपालगन्ज शाखाको आयोजनामा भएको उक्त रक्तदान कार्यक्रममा ९३ जनाले स्वतःस्फूर्त रूपमा रक्तदान गरेका छन् ।
९३ जना रक्तदाताले आफ्नो नाम दर्ता गराएकोमा केही रक्तदाताको उच्च रक्तचाप तथा स्वास्थ्यको अन्य कारणले गर्दा रक्तदान गर्न सकेनन्, रक्तदान गर्न पाउनु अवसर हो । स्वास्थ्य, उमेर आदि विभिन्न परिस्थितिले साथ दिए मात्र रक्तदान गर्न पाइने भन्दै विगतका वर्षहरूमा क्लबले विश्व रक्तदाता दिवसका अवसरमा रक्तदान कार्यक्रम सहित रक्तदानको महत्त्वबारे जानकारी दिने खालका विभिन्न चेतनामूलक कार्यक्रमहरू आयोजना गरी मनाउँदै आएकोमा यस पटक यस्ता कार्यक्रम गर्न नसके पनि आफू भने रक्तदान गर्न आएको सन्दर्भसहित यस दिवसले नयाँ रक्तदाताका रूपमा युवाहरूलाई उत्प्रेरित गर्न एवं नियमित रक्तदाताहरूलाई सम्मान गर्न स्वयंसेवी भावना बढाउने शिव प्रसाद गोडियाले बताए ।
उक्त वृहत् रक्तदान कार्यक्रममा महिला रक्तदाताहरूको पनि उल्लेख्य सहभागिता रहेको थियो ।
