बर्दिया -बर्दियाको बढैयाताल गाउँपालिका वडा नम्बर ४ खरैनीको श्री ज्ञान ज्योती माध्यामिक बिद्यालय छात्रनगर खरैनीले आफ्नो ४५ औं बार्षिक उत्सव तथा अभिभावक दिवस मनाएको छ । बार्षिक उत्सब कार्यक्रमको अवसरमा नाच गान सहितको संस्कृतिक कार्यक्रम, बिद्यालय सरसफाई, मार्च पास, पिटी प्रर्दशन लगायत्को कार्यक्रम गरिएको बिद्यालय व्यवस्थापन समितिका अध्यक्ष लल्लुराम थारुले बताए । एक भव्य समारोहका बिच बार्षिक उत्सव कार्यक्रम सम्पन्न गरिएको छ । कार्यक्रमका प्रमुख अतिथि बढैयाताल गाउँपालिकाका अध्यक्ष हिमालय त्रिपाठीले शिक्षा क्षेत्रमा आवश्यक बजेट बिनियोजन गरिएको बताए ।
उहाँले बिद्यालयलाई आवश्यक सहयोग गर्ने प्रतिबद्धता समेत व्यक्त गर्नुभयो । यस्तै बढैयाताल गाउँपालिकाका उपाध्यक्ष लक्ष्मी अधिकारीले शिक्षा क्षेत्रको बिकासका लागि अभिभावकको भुमिका महत्वपुर्ण रहेको बताइन् ।
बिद्यालयले अंग्रेजी माध्यमको शिक्षालाई पनि जोड दिएको छ । कक्षा नर्सरी देखि कक्षा एक सम्म अंग्रेजी माध्यमबाट पठनपाठन भैरहेको छ ।
प्रत्येक बर्ष एक एक कक्षा बढाउदै कक्षा ५ सम्म अंग्रेजी माध्यमबाट पठनपाठनको व्यवस्था गर्ने बिद्यालय व्यवस्थापन समतिका अध्यक्ष लल्लुराम थारुले बताए । साथै निकट भबिष्यमै बिद्यालयमा कक्षा १२ सम्मको पठाई शुरुवात् योजना समेत रहेको अध्यक्ष थारुले बताए । बिद्यालय परिसरमा फुल सहितको बाटिका बनाई हरियाली बताबरण बनाउने योजना समेत बिद्यालयको रहेको छ ।
कार्यक्रममा बढैयाताल ४ का वडा अध्यक्ष, नर बहादुर थापा, वडा नम्बर ८ का वडा अध्यक्ष तेज नाथ पौडेल, वडा नम्बर ४ का पुर्वा अध्यक्ष कर्ण बहादुर थापा, युवा नेता राज कुमार महतरा लगायत्ले शुभकामना मन्तव्य दिनु भएको थियो । कार्यक्रममास्थानीय बुद्धिजीवी, अगुवा, अभिभावक, बिद्यार्थी लगायत्को उल्लेख्य सहभागिता रहेको थियो । दस्तावेज डट.कम बाट साभार
