नेपालगन्ज । बैंकको चर्को ब्याजदरको विरोधमा सोमबार नेपालगन्जका उद्योगी(व्यवसायीले राष्ट्र बैंकको कार्यालय अगाडि धर्ना दिँदै बिरोध गरेका छन् ।
बजार परिक्रमापछि व्यसायीहरुले बढ्दो बैंक ब्याज दरलाई व्यवस्थित गर्न माग गरे ।
व्यापारीहरुले चालु पुँजी कर्जा नीति खारेज गर्नुपर्ने, एकल अंकको व्याजदर कायम गर्नुपर्ने र संस्थागत दर दुई–दुई प्रतिशत कायम गर्नुपर्ने र बैंक र व्यवसायलाई अलग गर्नुपर्ने माग गरेका थिए ।
धर्ना दिन पुगेका व्यवसायीले आफूहरुका जाहेज मागको सुनुवाइ नभए देशभर विरोध प्रर्दशन गर्ने चेतावनी दिएका छन् । नयाँ सरकारसँग आफ्ना माग तत्काल पूरा गर्न व्यवसायीहरुको माग छ ।
यस्तै, नेपालगन्जका उद्योगी व्यवसायीले विरोध प्रर्दशन तथा धर्ना कार्यक्रममा प्रतिनिधि सभा सदस्य डा.धवल समशेर राणा ब्यापारीको पक्षमा उभिएका छन् । उनीहरुले पनि नेपालगन्ज स्थित राष्ट्र बैंकको कार्यालय अगाडि धर्ना दिएका हुन् ।
ब्यपारिहरुको समस्या समाधान गर्नु मेरो मुख्य दायित्व भएको बताउनु भएको छ,यो समस्याको सुनुवाइ नभए नेपालगन्ज र राष्ट्र बैँक अगाडि कडा आन्दोलन गर्ने संघिय सांसद राणाले चेताउनी दिनु भएको थियो ।
नेपालगन्ज उद्योग वाणिज्य संघका महासचिव चिरञ्जीवी वलिले कार्यक्रम संचालन गर्नु भएको थियो, भने प्रवक्ता टंक बहादुर धामीले चर्को नारा लगाउदै विरोध जनाएका थिए ।
