हिक्मत जङ्ग खड्का -मलाई
ब्याडम्यान भन्दा हुन्छ।
बाचुन्जेली
बालुवाटारमा
बिराजमान सम्झे हुन्छ।
गिरिजाप्रसाद्को गोडा
मिचेकै हुँं।
सुशीलको सुस्केरा थिचेकै हुँ।
उहिले लाउडा अहिले हाउडा
रातो पासपोर्ट,पजेरोका छाउरा।
हुन्छ हजुर हुन्छ।
मलाई ब्याडम्यान भन्दा हुन्छ।
भन्नेले जे सुकै भनुन
बन्नेहरु जे सुकै बनुन।
अझै
दुइपटक बाकिँ छ
औँला गन्दा हुन्छ।
बाल मत्लब छैन
मलाई,
ब्याडम्यान भन्दा हुन्छ।
सुन है मेरा बिरोधिहरु।
म
आफू बदलिन सक्छु।
देश बदल्न सक्छु।
लोकतान्त्र
कहाँ बुझाउनुपर्ने
त्यो नि मलाई था छ।
अरुले जे सुकै भनुन।
आफ्नो त
आफ्नै धन्दा हुन्छ।
हुन्छ हजुर हुन्छ
मलाई
ब्याडम्यान भन्दा हुन्छ।
बाचुन्जेली
बालुवाटारमा,
बिराजमान सम्झे हुन्छ।
