बाँके ।नेकपा एमाले तर्फबाट बाँके क्षेत्र नम्बर १ का प्रतिनिधि सभा सदस्य पदका उम्मेदवार सुर्य ढकालले भुमिहिन अव्यवस्थित सुकुम्बासी र मजदुरको समस्या समाधानका लागि आफू अनि नेकपा एमाले दत्तचित्त भएर लागि पर्ने बताएका छन् ।
शुक्रवार नेकपा एमालेका उम्मेदवार सहितको वडा नम्बर १३ मा ठुलो संख्यामा गरीएको घरदैलो र विभिन्न टोलटोलमा गरिएको कोणसभालाई सम्बोधन गर्दै प्रतिनिधि सभा सदस्य पदका उम्मेदवार ढकालले समुदायमा समस्या झेलीरहेका र अधिकार प्राप्ती गर्न नसकेका त्यस्ता बर्गहरुको समस्याप्रति अत्यन्तै चिन्तित रहेको बताउदै उनले श्रमिक मजदुरका लागि हरेक कुरामा सौलियत गराउदै अव्यवस्थित बसोबास गरेकालाई व्यवस्थित गराउने लालपुर्जा दिलाउने र र सुकुम्बासीलाई बासको व्यवस्था गर्ने पहिलो पहल रहेको बताए।
उनले कोहलपुर नगरपालिकाको वडा नम्बर १३ भौगोलिक बनावटको हिसावले ठुलो वडा भएकाले एकै पटक सबै टोलको बिकास संभव नहुने हुँदा विकासको लागि क्रमश एक एक गर्दै योजनागत रुपमा अघि बढ्ने प्रतिबद्धता व्यक्त गरे ।
घरदैलो कार्यक्रममा नेकपा एमालेका प्रदेश सदस्य, जिल्ला सदस्य, जिल्ला सदस्य लगायत बाक्लो संख्यामा नेकपा एमालेका नेता कार्यकर्ता तथा शुभेच्छुकहरुको उपस्थिति रहेको थियो ।सबैको उत्साहजनक उपस्थितिले एमालेको पक्षमा जनलहर प्रष्ट रुपमा बढ्दै गएको भान आम नागरिकले गरेका छन ।
नेकपा एमालेका प्रतिनिधि सभा सदस्य पदका उम्मेदवार सुर्य ढकाल ,प्रदेश सभा सदस्य पदका उम्मेदवार दुर्गा प्रसाद चौधरी लगायत एमालेका नेता कार्यकर्ताहरु मतदाताहरुको घरदैलोमा पुग्नासाथ स्वःस्फूर्त रुपमा शुभेच्छुकहरुले उपस्थित भएर आर्शिबाद र शुभेच्छा प्रकट गर्ने गरेका छन ।
