नेपालगञ्ज -बाँकेमा नेकपा एमाले र राष्ट्रिय प्रजातन्त्र पार्टी क्षेत्र नम्बर २ वडा नम्बर १ मा प्रचार प्रसार सचिवालय सम्पर्क कार्यालय उद्घाटन गरिएको छ ।
उद्घाटनमा राष्ट्रिय प्रजातन्त्र पार्टीका महामन्त्री तथा प्रतिनिधि सभा सदस्य बाँके क्षेत्र नम्बर २ का उम्मेदवार डा. धवल सम्शेर राणा र नेकपा एमाले बाँके क्षेत्र नम्बर २ का प्रदेश सभा सदस्य पदका उम्मेदवार निरक गुरुङ्गले सयुंक्त रुपमा क्षेत्र नम्बर २ को वडा नम्बर १ मा चुनाव प्रचार प्रसार सचिवालय कार्यालयको उद्घाटन गर्नु भएको हो ।
उद्घाटनमा राप्रपाबाट प्रतिनिधि सभा सदस्य पदका उम्मेदवार डा. धवल सम्शेर रणाले नेकपा एमालेको सुर्य चिन्ह झण्डा हात बाट खोल्दै फहरानु भएको थियो ।
सो कार्यक्रममा नेकपा एमालेबाट प्रदेश सभा सदस्य पदका उम्मेदार निरक गरुङ्गले राप्रपाको हलो चिन्ह रहेको झण्डा हातमा लिएर फहरानु भएको थियो।
डा. राणाले सम्बोधन गर्दै वडा नम्बर १ धम्बोजीमा सयुंक्त कार्यालय खुलेको छ , हाथमा सुर्यको झण्डा र निरक जीको हाथमा हलोको झण्डा रहेको छ र हाम्रो भोटिङ्ग इमानदारिता पुर्वक रहने छ हामीले भष्टचारिको अन्त्यको लागी र आर्थिक सुशासनको क्रान्ति गर्नु पर्ने छ यो महान अभियानमा जनताको भरपुर विश्वास लिएको बताउनु भयो ।
नम्बर १ एकमा घर घरमा गएर भोट माग्दै विशाल चोक हुँदै खजुरा रोड बाट फेरि धम्बोझी सम्म घरदैलो कार्यक्रम गर्नु भएको थियो ।
एमाले र राप्रपा क्षेत्र नम्बर २ को चुनाव प्रचार प्रसार कार्यालयको सचिवालय उद्घाटन कार्यक्रमा दुबै पार्टीका नेता,कार्यकर्ता तथा समर्थकहरुको उपस्थिति रहेको थियो ।
आज विहानै देखि प्रतिनिधि सभा सदस्य डा. धवल सम्शेर राणा डुडुवा गाँउपालिकाको विभिन्न कार्यक्रममा सहभागी तथा वडा भेला कार्यकर्ता भेटघाटमा ब्यस्त हुनु भएको थियो ।
