काठमाडौं । नेकपा एमाले प्रवेश गर्न माओवादी केन्द्रीय सदस्य तथा प्रतिनिधिसभा सदस्य छक्कबहादुर लामा नेतृत्व एमाले पार्टी अध्यक्ष केपी शर्मा ओली निवाश बालकोट पुगेर पार्टी प्रवेश गरेका छन ।
सबैलाई छक्क पार्दै स्वतन्त्र तर्फबाट २०७४ को निर्वाचनको परिणाम हात पारेका माओवादी नेता छक्कबहादुर लामा एमाले प्रवेश गर्दैबलामासहितका माओवादी नेताहरु बालकोट पुगेर प्रवेश भएका हुन् ।
नेकपा माओवादी केन्द्र भित्र आसन्न मंसिर ४ गते हुने प्रदेश र प्रतिनिधि सभा निर्वाचनमा टिकटका लागि हानथाप शुरु भएपछि स्वार्थ दिन र चाप्लुसी गर्न सकिन्न विचार मिल्दैन भन्दै लामा एमाले प्रवेश गरेका हुन् ।
एमाले हुम्लाका नेताहरुसँगको लामो छलफल र परामर्श पछि लामा आज एमाले अध्यक्ष केपी शर्मा ओली निवास बालकोटमा पार्टी प्रवेश गर्दै अब हुम्लामा विकासको विकल्प एमाले बाहेक अरु बाट सम्भव नभएको भन्दै प्रवेश गरेको स्थायी कमिटी सदस्य तथा हुम्ला ईन्चार्ज गोरखबहादुर बोगटीले जानकारी दिए ।
पाँच दलीय सत्ता गठबन्धन भित्र टिकट कसले हात पार्ने भन्ने चर्काचर्की शुरु भएका बेला माओवादी हुम्लामा राम्रो जनमत भएका नेता लामाको एमाले प्रवेशलाई अर्थपूर्ण रुपमा हेरिएको छ ।
तत्कालीन नेकपा भित्रको विवादमा समेत एमाले अध्यक्ष ओली निकट रहेका लामा अन्तत निर्वाचनको सम्मुखमा आफ्नो टिमसहित एमाले प्रवेश गरेका हुन् ।
‘उहाँ (छक्कबहादुर लामा) जिल्ला पार्टी र केन्द्रको सम्पर्कमै हुनुहुन्थ्यो आज औपचारिक पार्टी प्रवेश गर्ने निर्णय भयो’ एमाले केन्द्रीय सदस्य तथा हुम्ला जिल्लाका सह-इन्चर्ज दल फडेराले भने, ‘लामासँगै माओवादीको ठूलो टिमले पार्टी अध्यक्षसामु एमाले प्रवेश गरेको हो ।
लामासँगै माओवादी कर्णाली प्रदेश कमिटी सदस्य तथा नाम्खा गाउँ पालिकाका पुर्व अध्यक्ष विष्णुबहादुर लामा, मंगल लामा, प्रवेश भएका छ्न भने ताँजाकोट गाँउपालिका पुर्व अध्यक्ष बाग्दल मल्ल धुर्ब कुमार शाहीलगायतका प्रमुख नेताहरु लाई एमाले प्रवेशमा एक कार्यक्रम समारोह बिच छ्लफल गरेर छिट्टै गर्ने लामाले जनाएका हुन । दशैंको प्रमुख दिन महाअष्टमी भएकाले अन्य पार्टीका नेता तथा कार्यकर्ता प्रवेशमा उपस्थित हुन नसकेपनि जिल्लाको ठूलो टिमले एमाले प्रवेश गरेको छक्कबहादुर लामाले बताए।
‘पार्टी प्रवेश गर्नेको संख्या अहिले नै एकिन गर्न सकिदैन्’ लामाले भने अब हुम्लामा एमालेलाई बिजयी गराउने अभियानलाई सफल बनाउन हरेक गाउँ र टोलमा पार्टी प्रवेश अभियान सञ्चालन हुन्छ
