नेपालगन्ज । खानेपानी तथा सरसफाइ आयोजनामा बजेटको अभावका कारण योजनाले सफलता पाउन चुनौती भएको खानेपानी तथा सरसफाई डिभिजन कार्यालय बाँकेका प्रमुख तिलक न्यौपानेले बताए । बिहीबार खानेपानी तथा सरसफाई डिभिजन कार्यालय नेपालगन्ज बाँकेद्धारा आयोजित खानेपानी तथा सरसफाई सम्बन्धी बार्षिक कार्यक्रम प्रस्तुत गर्दै डिभिजन प्रमुख तिलक न्यौपानेले बजेटको अभावका कारण योजनाले सफलता पाउन चुनौती भएको बताएका हुन् ।
उनले भने,‘खानेपानी आयोजनामा बजेटको अभावका कारण योजनाले सफलता पाउन सकि रहेको छैन । यो आर्थिक बर्ष खानेपानी तथा सरसफाई सम्बन्धी योजनाहरु धेरै भए तर गत आर्थिक बर्ष भन्दा यो आर्थिक बर्षमा ३३ प्रतिशत बजेट कम बिनियोजन भएको छ । यस्तो अवस्थामा कसरी योजनालाई कार्यान्वयमा अघि बढाउने यो निकै ठूलो चुनौतिको रुपमा देखिएको छ ।’ आयोजना पुरा गर्नलाई नगरपालिका र अन्य सम्बन्धित निकायले पनि सहयोग नगरेको उनले गुनासो छ ।
एउटा योजनाले पुर्णता नपाउदै सरकाले अर्को आयोजना थप गर्ने र बजेट बिनियोजनमा कनजुसाईँ गर्ने भएकाले योजना सफल बनाउन चुनौती बन्दै गएको डिभिजन प्रमुख न्यौपानेको भनाई थियो । खानेपानी आयोजनामा बाँकेको खजुरा गाउपालिकामा १०, नेपालगन्ज उपमहानगरपालिकामा १०, नरैनापुरमा, कोहलपुरमा ७, राप्तीसोनारी गाउपालिकामा २० योजना, बैजनाथ गाउपालिकामा ८, डुडुवा गाउपालिकामा ५, जानकी गाउपालिकामा ५ योजनाहरु तय भएका छन् ।
जनप्रतिनिधीले जनताको आवश्यकता नबुझि केवल मागको आधारमा मात्रै एउटै ठाउँमा पटक पटक खानेपानी योजना दोहो¥याएका छन् । अहिलेको अवस्थामा स्थानीय जनप्रतिनिधीले जनताको आवश्यकता केवल विकासमा मात्र खर्च गरेको तर खानेपानी जस्तो नभई नुहने कुरामा कुनैपनि जनप्रतिनीधिको ध्यान नगएको उनी बताउँछन्,‘जनप्रतिनीधिको ध्यान केवल विकासे काममा मात्र गएको छ ।
कुनैपनि जनप्रतिनीधिले खानेपानीमा आफ्नो योजना र ध्यान केन्द्रित गर्न नसकेको हुनाले नै आज बाँके र बर्दियामा खानेपानीको आयोजनाहरु सफल हुन सकिरहेका छैनन् ।’ डिभिजन प्रअनुसार बाँकेमा अहिले पनि ८५ प्रतिशत नागरिकले हान्डपम्प, मोटर, धाराकै पानी प्रयोग गर्दै आएका छन् ।
खानेपानी पाइप अन्तरगत १५ प्रतिशत नागरिकले मात्र खानेपानीको उपयोग गरेको प्रमुख न्यौपानेले बताए । उनले पारदर्शी रुपमा आफ्नो वार्षिक कार्यक्रम प्रस्तुत गरेका थिए । सञ्चारकर्मीहरुले दिएको प्रश्नको जवाफ दिंदै उनले सञ्चारकर्मीद्धारा दिईएको सुझावहरुलाई पनि आत्मासाथ गर्दै आगामी दिनहरुमा ती सुझावहरुलाई अनुशरण गर्दै लैजाने बताए ।
