काठमाडौं – प्रधानमन्त्री केपी ओलीले युवाको सुझाव लिएर र उनीहरूको भावना बुझेर काम गर्ने प्रतिबद्धता जनाएका छन् ।
रोजगारीको लागि साउदी अरबमा रहेका नेपाली युवा जीपी आचार्यले प्रधानमन्त्रीलाई लेखेको खुल्ला पत्रको जवाफमा ओलीले देशमा नै रोजगारी सिर्जना र उद्यमशीलता बढाउने काममा आफूहरू लागिरहेको उल्लेख गरेका छन् । ‘तपाईँजस्तै युवासँग सुझाव लिएर, उहाँहरूको भावना बुझेर काम गर्न चाहन्छु’, ओलीले लेखेका छन् ।
‘सबैका समस्या सुन्छु, एकै पटक गर्न नसकिएला, तर हामी आफ्ना पाइलालाई त्यसतर्फ नै चालिरहेका छौँ’, प्रधानमन्त्रीले उल्लेख गरेका छन्।
यस्ता खालका स्वच्छ आलोचना र सुझावले काम गर्न बाटो देखाउने भन्दै उनले आचार्यलाई धन्यवाद समेत दिएका छन् । ‘तपाईँको परिवारजन र बालबच्चामा मेरो स्नेह छ, माया छ, तपाईँले गर्नु भएको परिश्रम र मेहनतलाई मेरो सम्मान छ’, उनले लेखेका छन् ।
ओली प्रधानमन्त्री भएपछि आचार्यले सामाजिक सञ्जाल फेसबुकमार्फत एक पत्र लेख्दै देशमा नै केही गर्न पाउनु पर्ने माग राखेका थिए । नेपालीले अझै कहिलेसम्म मरुभूमिमा पसिना बगाउनु पर्ने हो ? भन्दै उनले प्रधानमन्त्रीलाई प्रश्न गरेका थिए । ‘हामीले पनि पार्टीको लागि दिन रात नभनी संघर्ष गरेको के यही दिन, यही अवस्था देख्नलाई हो रु गम्भीर भएर सोच्ने बेला आएको छ’, आचार्यले लेखेका छन् ।
यस्ताे आलीको जवाफ
