नेपालगंज – सिद्वार्थ बैक लिमिटेटले विश्व वातावरण दिवसका अवसरमा प्रकृति र वातावरण संरक्षणको साझा लक्ष्यमा अघि बढ्न प्रेरणा मिलोस् भन्ने उदेश्यले नेपालगंज का सडक सौन्दर्यकरणको लागि विरुवा विक्षारोपण सहित ट्रीगार्ड र व्यवसायीहरुलाई बिभिन्न ख्यालका बिरुवा वितरण गरेको छ।
‘मरुभूमिकरण र खडेरीबाट भूमिको पुनःस्थापना गरी पारिस्थितिक प्रणाली पुनःस्थापना गर्ने विषयमा केन्द्रित रहेको यस दिवसले जलवायु परिवर्तनका असरलाई न्यूनीकरण गर्न तथा वर्तमान र भविष्यका पुस्ताका लागि दिगो र स्वच्छ वातावरण प्रत्याभूत गर्न थप उत्प्रेरित गर्ने विश्वास लिएको बि पि चोक शाखा प्रमुख दिलिप पंगालिले बताउनु भयो ।
नेपालगंज उधोग वाणिज्य संघका अध्यक्ष टंक बहादुर धामिले ‘नेपालको संविधानले प्रत्येक नागरिकलाई स्वच्छ र स्वस्थ वातावरणमा बाँच्न पाउने मौलिक हकको प्रत्याभूति गरेको छ र
साथै, भूमिको उत्पादनशीलता, प्रकृति तथा वातावरणीय सन्तुलनको आधारमा वैज्ञानिक व्यवस्थापन र उपयोग गर्ने तथा पर्यावरणीय दिगो विकासको सिद्धान्त अवलम्बन गर्दै वातावरणीय सन्तुलन र दिगोपना कायम गर्ने गरी र्सिद्वार्थ बैकले यस्ता खालका कार्यक्रम गर्न अगाडि बढेकोमा खुसि ब्यक्त गर्नु भयो ।
‘विश्वव्यापीरूपमा भइरहेको जलवायु परिवर्तनको नकारात्मक असर र क्षतिका लागि भूमिका नगण्य भए पनि उल्लेख्य असर भने भोगिरहेका छौँ, नेपालले विभिन्न अन्तर्राष्ट्रिय मञ्चहरूमा राखेका विषयहरू र गरेका प्रतिबद्धतालाई कार्यान्वयन गर्दै जलवायुजन्य क्षतिमा नेपालको अधिकारलाई सुनिश्चित गर्न सबै क्रियाशील हुनु पर्ने सिद्वार्थ बैक लिमिटेट लुम्बिनि प्रादेशिक कार्यालय प्रमुख उपेन्द्र प्रकाश गर्तौलाले शुभकामना सन्देशमा भन्नु भएको छ ।
सङ्घ, प्रदेश र स्थानीय सरकारको साथै निजी क्षेत्र, नागरिक समाज, राष्ट्रिय तथा अन्तर्राष्ट्रिय सङ्घसंस्थालगायत सबै सरोकारवालाको सामूहिक प्रयासबाट मात्र वातावरण क्षेत्रका चुनौतीलाई सामना गर्न सम्भव भएको नेपालगंज उधोग वाणिज्य संघका उधोग उपाध्यक्ष चिरञ्जीवी वलि बताउनु हुन्छ ।
दिगो विकास, वातावरणमैत्री तथा हरित विकास र समृद्धिलाई तीनै तहका नीति तथा कार्यक्रममा प्राथमिकता दिन जरुरी रहेको उल्लेख छ । यस वर्ष विश्वव्यापीरूपमा तय भएको नारा ‘हाम्रो भूमि ” हाम्रो भविष्य’ राष्ट्रिय नाराका साथ विश्व वातावरण दिवस देशव्यापीरूपमा मनाउन लागिएकामा सरोकारवाला निकाय, सङ्घसंस्था तथा आम नागरिकलाई राष्ट्रिय अभियानमा सरिक हुन सिद्वबाबा हार्डवयर प्रालि नेपालगंज कारकादो का प्रवन्ध निर्देशक नमु पाण्डेले आह्वान गरेका छन ।
उक्त कार्यक्रममा सिद्वार्थ बैक धम्बोझि शाखा प्रमुख किरण राना मगर, बिपि चोक नेपालगंज शाखा प्रमुख, दिलिप पंगालि ,न्युरोड शाखा प्रमुख, मनोज तिवारि , कोहलपुर शाखा प्रमुख, निर्मल बम र बर्दियाको बासगढि शाखा प्रमुख रोशन बिष्ट र एच सि आर सि हस्पिटल नेपालगंज ब्यवस्थापन प्रमुख रमेश सिटौला लगायत ब्यवसायी, र सरोकारवालाको भब्य उपस्थिति रहेको थियो ।
