हुम्ला । नेकपा (एमाले) जिल्ला कमिटी हुम्लाको दशौ जिल्ला अधिबेशनमा केन्द्रिय कमिटी सदस्य दल रावल र छक्क बहादुर लामाले सहयोग र समर्थन गरेको ग्यामी बुमीको नेतृत्वको टिम बिजयी भएको छ ।
नेतृत्व बर्गले गरेको सम्मतीको प्रयाश असफल भए पछी आइतबार साझ ५ बजे दुई प्यानल खडा भई निर्बाचनको मैदानमा उत्रिएका थिए । राती भएको मतगणनामा अध्यक्षका प्रत्यासी ग्यामी बुमीले १२४ मत प्राप्त गरी बिजयी हुनुभएको छ।
भने प्रतिद्वन्दी डबल रावतले ११९ मत प्राप्त गर्नु भएको छ, अध्यक्ष बुमीकै प्यानलका उपाध्यक्ष प्रकाश शाहीले सबै भन्दा लोकप्रिय मत १६२ मत प्राप्त गरी बिजय हुनु भएको छ भने उपाध्यक्षका प्रतिद्वन्दी उब्जन मल्लले ८० मत प्राप्त गर्नु भएको छ, सचिवमा तिर्थराज बोहोराले १२९ मत प्राप्त गरी बिजय हुनु भएको छ भने सचिवका प्रतिद्वन्दी गोकुल बुढाले १०३ मत प्राप्त गर्नु भएको छ, उप सचिवमा प्रदिप लामाले १३३ मत प्राप्त गरी बिजय हुनु भएको छ भने उप सचिवका प्रतिद्वन्दी बुधे भण्डारीले १०१ मत प्राप्त गर्नु भएको छ र महिला उप सचिवमा मन्जु रावलले १३४ मत प्राप्त गरेर बिजयी हुनु भएको छ भने उप सचिवका प्रतिद्वन्दी बिमला कुमारी शाहीले ९५ मत प्राप्त गर्नु भएको छ।
जिल्लाको नेतृत्व चयनका बिषयमा केन्द्रिय कमिटी सदस्य दल रावल र छक्क ब. लामाको एक टिम र स्थायी कमिटी सदस्य गोरख ब. बोगटी र केन्द्रिय कमिटी सदस्य दल फडेरा, केन्द्रिय कमिटी सदस्य तथा हुम्ला जिल्ला इन्चार्ज नगेन्द्र शाही (नेशनल)को एक टिम भएर निर्बाचन भएको थियो ।
