नेपालगन्ज २६ भदौ । मौसमी रुघाखोकी सहित बिरामीहरुमा स्क्रब टाइफस देखापरेकाे छ ।
चिकित्सकहरुका अनुसार, याे एक प्रकारको सरुवा रोग हो जुन मुसामा लाग्ने किर्नाजस्तो देखिने कीराको टोकाइबाट मानिसमा सर्छ । मानिसबाट मानिसमा चाहिँ स्क्रब टाइफस सर्दैन।
ठाकुरबाबा नगर अस्पताल बर्दियामा यस्ता बिरामी देखा परेपछि उपचार गरिरहेकाे ठाकुरबाबा नगर अस्पतालका प्रमुख डा प्रकाश तिमिल्सिनाले जानकारी दिए । उनका अनुसार ज्वराेका बिरामीहरुलाई परिक्षण गर्दा स्क्रब टाइफस धेरै देखिएकाे छ । तर विभिन्न मेडिकलहरुबाट परिक्षण बिना औषधि चलाउने र भेन वोपन गरेर ओषधि दिएकाे भेटिएकाेले परिक्षण गरेरमात्र औषधि सेवन गर्न अनुराेध गरेका छन् ।
डेङ्गी सार्ने लामखुट्टेका लार्भा भेटिए कारबाही गर्ने नियमबारे छलफल
यो रोग किर्नामा पाइने ओरेन्टिया सुसुगामुसी भन्ने जीवाणुबाट लाग्छ।
मुसामा हुने किर्ना अर्थात् माइट प्रायः झाडी, खेतबारी, वनजङ्गल, घर वरिपरिको झाडी वा घुरान हुने ठाउँमा देखिनेगर्छ।
उक्त राेगकाे लक्षणमा ज्वरो आउनु (१०४ डिग्री फरेन्हाइटभन्दा बढी)। काम ज्वरो पनि आउन सक्छ । धेरै टाउको दुख्नु, पसिना धेरै आउनु
आँखा रातो हुनु, झाडापखाला लाग्नु, बिस्तारै शरीरका मुख्य अङ्गले काम गर्न छाड्नु कीराले टोकेको ठाउँमा रातो दाग देखिन सक्छ।
