नेपालगन्ज २० भदौ । खानेपानी तथा सरसफाई डिभिजन कार्यालय, नेपालगञ्ज, बाँकेको अधिकृत ९छैटौं तह० पदमा कार्यरत हीम कुमारी सुनार पुन बिरुद्ध अख्तियार दुरुपयोग अनुसन्धान आयोगले बिशेष अदालतमा आरोपपत्र दायर गरेको छ ।
नक्कली शैक्षिक प्रमाणपत्रको आधारमा नियुक्ति लिई नियम विपरीत सरकारी सेवामा कार्यरत रहेकोले निजको शैक्षिक योग्यताको प्रमाणपत्रको छानविन गरी कारवाही हुन भन्ने उजुरी निवेदन सम्बन्धमा अनुसन्धान हुँदा आरोपपत्र दर्ता गर्नुपरेको अख्तियारले जनाएको छ ।
अख्तियारका अनुसार, पुनले माध्यमिक शिक्षा परिषद् क्षेत्रीय कार्यालय वाराणसी, भारतबाट हाइस्कुल उत्तीर्ण गरेको भनी नक्कली शैक्षिक योग्यताको प्रमाणपत्र पेश गरी द्वितीय श्रेणीको महिला कार्यकर्ताको पदमा नियुक्ति भई हाल अधिकृतस्तरको छैटौं तहमा कार्यरत रहेकी छन् ।
लाभ र सुविधा प्राप्त गरेको हुँदा निजको उक्त कार्य भ्रष्टाचार निवारण ऐन, २०५९ को दफा १६९१० बमोजिमको कसुर भएकोले पुनलाई सोही ऐनको दफा १६९१० बमोजिम कैद र जरिवाना हुन मागदावी लिई आरोपपत्र दायर गरेको हो ।
