नेपालगन्ज –गर्मी बढेपछि नेपालगन्जका सर्बसाधारणलाई विद्युतकाे आवश्यकता सबैभन्दा धेरै पर्छ । ठिक,यति नै बेला विद्युत जान्छ ।
कहिलेकाहीँ त लाेडसेडिङ जस्ताे अवस्था झेल्नुपरेको छ ।
अनियमित विद्युतका कारण सर्बसाधारणले कष्ट सहनुपरेको छ । तर प्राधिकरणलाई सेवालाई प्रभावकारी र नियमित बनाउन कुनै चासो छैन ।
सिस्टम फेल भन्दै प्राधिकरणले बिजुली सेवा अनियमित भएको दाबी गर्दै आएको छ ।
यसरी बिजुली अनियमित हुँदा प्राधिकरणले कुनै कारण वा सुचना जारी गर्दैन । उसको टेलिफोनमा कुनै हालतमा उठ्दैन । महसुल उठाउन र जरिवाना तिराउन कम्मर कसेर लाग्ने प्राधिकरणले सेवा सुधारमा भने फिटिक्कै ध्यान दिएको छैन ।
नेपालगन्जमा केही बर्ष अघिसम्म अघोषित लाेडसेडिङ थियो । तर पछिल्ला बर्षमा त्याे अन्त्य भयाे । अहिले फेरि प्राधिकरणकाे गैजिम्मेवारीले त्यस्तै अबस्था सृजना गरेकाे सेवाग्राहि बताउछन् । यस्ताे कार्य रोक्न माथिल्लो निकायले नेपालगन्जस्थित वितरण केन्द्रमा हस्तक्षेप गरेर सेवा सुधार गर्नुपर्ने आवाज उठेको छ
