नेपालगन्ज – नेपालगन्ज उद्योग वाणिज्य संघको भदौ २ गते हुन गइरहेको निर्वाचनमा दुईवटा प्यानल चुनावी मैदानमा उत्रिएका छन् । समावेशी प्यानलमा टंक बहादुर धामीले नेतृत्व गरेको टीममा वाणिज्य तर्फको उम्मेदवार दिएका हरिलाल न्यौपाने गुल्मी जिल्लाको छत्रकोटमा बुबा गंगाधर न्यौपाने र आमा उमाकला न्यौपानेको कोखमा जन्म लिएका थिए । न्यौपाने वि.स. २०४५ सालमा बाँकेको नेपालगन्ज शहरमा आएका थिए ।
स्नातक तह सम्मको अध्ययन गरेका न्यौपाने व्यवसायिक क्षेत्रमा भने वि.स. २०४५ साल देखि आफ्नो दाजुको व्यवसाय सम्हालेर निपुण बन्दै वि.स. २०५६ सालबाट आफनै व्यवसाय सुरु गरेका थिए । समाजमा अत्यन्तै मिलनसार, सहयोगी मान्छेको रुपमा चिनाउन सफल न्यौपाने विभिन्न संघसंस्थामा आवद्ध रहेर पनि सेवा दिइरहेका छन् ।
अहिले हार्दिक स्टोरका सञ्चालक रहेका न्यौपाने गुल्मेली समाज बाँकेका अध्यक्ष हुन भने लायन्स क्लब अफ सिद्धी विनायकका संस्थापक द्वितीय उपाध्यक्ष रहेर काम गरेका थिए । त्यसैगरी नेपाल रेडक्रस सोसाइटी बाँकेका आजीवन सदस्य, क्षयरोग निवारण संघका आजीवन सदस्य, मानवता नेपाल बाँकेका आजीवन सदस्य, नेपाल मदिरा व्यवसायी महासंघको प्रथम उपाध्यक्ष रहेका छन् ।
सबैको मनमनमा बस्न सफल रहेका हरिलाल न्यौपाने व्यवसायिक गर्ने उद्योगी, व्यवसायी, महिला व्यवसायीको, एकल महिला व्यवसायी, साना, मझौला तथा ठूला व्यवसायीहरुका हरेक समस्याहरुलाई समाधान गरेर उद्योग व्यवसाय फस्टाउनु पर्छ भन्ने भावना बोकेर आफ्नो उम्मेदवार वाणिज्य तर्फको उपाध्यक्षमा दिएको बताएका छन् ।
उद्योग वाणिज्य संघको निर्वाचनमा क्रमसंख्या २ नम्बरमा दर्ता गराएका उपाध्यक्ष पदका उम्मेदवार न्यौपानेले समावेशी प्यानलको टीममा काग गर्ने सशक्त टीम भएको हुदा उक्त टंक बहादुर धामीको नेतृत्वमा रहेको टीमलाई मतदान गरि विजयी बनाउनु हुन बाँकेका उद्योगी, व्यवसायी, दाजुभाइ दिदीबहिनी सबैलाई अनुरोध गरेका छन् ।
