बाँके -सिर्जनशील बाल क्लब नेपालगन्ज, बाँकेको आयोजनामा आयोजित ‘लागूऔषध न्यूनीकरणमा अभिभावकको भूमिका’ विषयक विद्यालय स्तरीय वक्तृत्वकला सम्पन्न भएको छ ।
ने.ग.उ.म.न.पा.-२०, राँझा स्थित रहेको प्याब्सनको सभाहलमा आयोजित कार्यक्रम लागूऔषध विरुद्ध निशुल्क परामर्श केन्द्र नेपालगन्ज, बाँकेको प्रायोजन, जि.प्र.का.बाँके, सामुदायिक (प्रहरी) सेवा केन्द्र नेपालगन्ज, बाँके र लागूऔषध नियन्त्रण ब्यूरो नेपालगन्जको समन्वय र नेपालगंज उ.म.न.पा. वडा नं.-२० को सहकार्यमा आयोजना गरिएको थियो ।
उक्त वक्तृत्वकला प्रतियोगितामा ११ जना छात्रछात्राहरुले सक्रिय सहभागीता जनाएका थिए । प्रथम चरणबाट उत्कृष्ट ४ जनाको छनोट गरि दोस्रो चरणको लागि “लागूऔषध न्यूनीकरणमा प्रहरी प्रशासनको भूमिका” विषयमा सहभागीले गरेको प्रतिस्पर्धामा प्रस्तुतिको विभिन्न कुरालाई मुल्यांकन गरी निर्णायक मण्डलले क्रमश: प्रथम, द्वितीय र तृतीय स्थान हासिल गर्ने प्रतिस्पर्धीहरुको नाम घोषणा गरेको क्लबका अध्यक्ष महेन्द्र ढुङगानाले जानकारी दिए ।
लागूऔषध विरुद्ध निशुल्क परामर्श केन्द्र बाँके एवं सामुदायिक प्रहरी सेवा केन्द्र नेपालगन्ज, बाँकेको अध्यक्ष दिपेन्द्र कुमार जोशी प्रमुख अतिथि रहेको उक्त प्रतियोगितामा अतिथिहरु क्रमश जि.प्र.का.बाँके प्रहरी निरीक्षक नरेश वि.क.,राष्ट्रिय यूवा परिषद लुम्बिनी प्रदेश सह-संयोजक छत्र सुनार, भेरी विद्या मन्दिर मा.विद्यालय राँझाको संचालक सदस्य सुमित्रा बराल रहनु भएको थिए ।
त्यसैगरी प्रतियोगिताको निर्णायक मण्डलको भुमिकामा पवन राज तिमिल्सिना, यम बहादुर बि.सी. र शान्ति पुनर्स्थापना गृहका क्षेत्रीय कार्यक्रम संयोजक निर्मल सुवेदीको उपस्थित रहेको थियो ।
करिब ४५ जनाको उपस्थितमा आयोजित वक्तृत्वकला प्रतियोगितामा क्रमश : वर्षा पाण्डे, सुमित्रा आचार्य र सरस्वती जोशीले प्रथम, द्वितीय र तृतीय स्थान हासिल गर्ने सफल भएको ढुङगाले जानकारी दिए ।
मन्तव्यको क्रममा प्रमुख अतिथि दिपेन्द्र कुमार जोशीले लागूऔषध दुर्व्यसन न्यूनीकरणको लागि सम्पूर्ण सरोकारवला निकायहरू एकजुट हुनुपर्ने बताउदै विद्यालय स्तरीय सचेतना कार्यक्रमहरु थप प्रभावकारी हुने उल्लेख गर्नुभएको थियो ।
