नेपालगन्ज : नेपालगन्जमा रहेको ब्रिनोज कान स्वास्थ्य स्याहार केन्द्रमा विवाद चर्कदै गएको छ । अस्पताल व्यवस्थापन समितिले संस्था दर्ता ऐन विपरित मनोमानी ढंगले अस्पताल संचालन गर्दै आएको हुनाले विवाद अझै चर्किएको हो ।

विवाद चर्कदै गएपछि आइतवार अस्पतालमा सचेत नागरिक समाज बाँकेले तालाबन्दी गरेको छ । लामो समय विवादित रहेको अस्पताल विरुद्ध आवश्यक छानविन गरि पाउँ भनि निवेदन समेत पर्दा अस्पताल व्यवस्थापन समित र प्रशासनले सुनवाई नगर्दा तालाबन्दि गर्न पुगेको स्थानियले बताएका छन् ।

अस्पताल व्यवस्थापन समितीले एकलौटी ढंगबाट संचालन गर्दै आएको हुनाले यसको छानविन गर्न जिल्ला प्रशासन कार्यालयमा २ वटा उजुरी समेत परेको छ ।
भारतबाट समेत सेवा लिन आउने ब्रिनोज कान स्वास्थ्य स्याहार केन्द्र गलत व्यक्तिको पोल्टामा गएर बिवादित हुन पुगेको नेपाल रेडक्रस सोसाईटी बाँकेका कार्यसमिति सदस्य तथा समाजसेवी अजिज कुमार शर्माले बताउनुभयो ।

सुरुवाती कालदेखी संस्थाको प्रमुख कार्यकारी पदमा कार्यरत पुरण बहादुर थारुले यस संस्थाको लागी योगदान दिदै आएको समेत उहाँले बताउनुभयो । अस्पतालमा पारदर्शिता ल्याउन तथा गुणस्तरिय सेवा प्रवाह गर्न कार्यकारी प्रमुख पुरणको अतुलनिय भुमिका रहेको समाजसेवी शर्माले बताउनुभयो ।

अस्पताल कसैको व्यक्तिगत पेवा होईन यो जनताको लागि बनाईएको सार्वजनिक सम्पत्ती हो । यसको बिधिवत तरिकाले साधारणसभा गरेर पदाधिकारी चयन गर्नु पर्छ, कान अस्पतालको लेखा परिक्षण हुनुपर्छ उहाँले भन्नुभयो ।”

बेलायती डाक्टरले पुरणको मेहनत र लगनशिलतालाई देखेर नेपालगन्जमा कान अस्पताल स्थापना हुन सफल भएको बताउदै पुरणले दिएको योगदान र संघर्षको फलस्वरुप अस्पताल व्यवस्थापन समितीले उहाँलाई रोजगारबाट निलम्बन गरिनु दुखद रहेको उहाँले बताउनुभयो । पुरणकै कारणले अस्पताल स्थापना भएको र पुरणकै कारण अस्पतालले सफलता पाउँदै चर्चा कमाएको भन्नुमा दुईमत नरहेको समाजसेवी शर्मा बताउनुहुन्छ ।

संस्थाको बिधान २०६५ बमोजिम संस्था सञ्चालनमा नआएको, बार्षिक रुपमा साधारण सभा नगर्ने गरेको, नबिकरणका लागि कागजी रुपमा साधारण सभा गर्ने गरिएको, स्थापना काल देखि हालसम्म एउटै कार्य समिति रहेको, संस्थामा साधारण सदस्यता कसैलाई नदिएको, बिधान बमोजिम कुनै पनि ऐन, नियमावलीहरु नबनाएको, संस्थाको नाममा रहेको एल्बुलेन्स संस्थाका अध्यक्षले चरम रुपमा व्यक्तिगत कामका लागि प्रयोग गरेको लगायतका बिषयलाई सुधारन्मुल गरि संस्थाको गरिमालाई जोगाउन अस्पताल विरुद्ध उत्रिएको अस्पतालका पुर्वकार्यकारी प्रमुख पुरण थारुले बताउनुभयो ।

“मैले अस्पताल व्यवस्थापन समितिलाई पटक–पटक बिधान बमोजिम काम गर्न आग्रह गरे तर समितीले मलाई नै रोजगारबाटै बिना गल्ती निलम्बन गरियो उहाँ भन्नुहुन्छ “निलम्वन गर्नु पूर्ब लागेका आरोपहरु बारे छानविन गर्ने, सफाई दिने मौका समेत नदिई निलम्वन गरिनु गैरकानुनी रहेको महसुस मलाई भएको उहाँको आरोप छ ।

आफुलाई लगाईएका कुनै पनि आरोप प्रमाणित नभएको र आरोप प्रमाणित भएमा जुनसुकै कार्वाहीको भागिदार हुन तयार रहेको उहाँले बताउनुहुन्छ । मलाई मेरो रोजगारीबाट निलम्बन गरिएकोमा चिन्ता भन्दा बढी अस्पतालको बिकास कसरी गर्ने भन्ने ध्यय छ ।

व्यवस्थापन समितीले अस्पतालाई सार्वजनिक सम्पत्ती नभई व्यक्तिगत सम्पत्ती जस्तै तानाशाह शैलीमा मनोमानी गर्न थालेपछि अस्पतालमा ताला लगाउनुबाहेक कुनै बिकल्प नदेखिएको उहाँले बताउनुभयो ।

अस्पतालमा ताला लगाएर सेवाग्राहीलाई दुःख दिने उद्देश्य नभई अस्पताल व्यवस्थापन समितीलाई बिधान बमोजिम कार्य गर्न बारम्बार ताकेता गरेको उहाँले बताउनुभयो ।

अस्पतालमा अधिकांश विरामी भारतिय रहेको उहाँले बताउनुभयो । यस विषयमा अस्पताल व्यवस्थापन समितिका अध्यक्ष विमल कुमार टण्डनसंग बुझ्न खोज्दा उहाँसंग सम्पर्क हुन सकेन ।