झविलाल शर्मा बाँके
श्री जनता माध्यमिक विद्यालय पूर्व विद्यार्थी समाज सन्तकुटी खजुरा, बाँकेको पहिलो साधारण सभा तथा कार्यसमितिको निर्वाचन सम्पन्न भएको छ ।

स्थापनाको छोटो समयमा श्री जनता मा.वि. पूर्व विद्यार्थी समाजले विद्यालय संगको समन्वयमा विभिन्न गतिविधिहरु संचालन गर्दै आइरहेको छ । २०७९ असोज ८ गते गठन गरिएको पूर्व विद्यार्थी समाजले आज फाल्गुन २७ गते प्रथम साधारण सभा तथा अधिवेशन सम्पन्न गरेको छ । कार्यक्रममा समाजको स्थापन देखि हाल सम्मको प्रगति तथा आर्थिक प्रतिवेदन साथै आगामी आर्थिक वर्ष २०८०÷०८१ को प्रस्तावित कार्यक्रम र वजेट पूर्व विद्यार्थी समाजका आजिवन सदस्य सभासदहरुको उपस्थितिमा छलफल गरि स्वीकृत र पारिक गरियो ।

कार्यक्रममा प्रगति प्रतिवेदन प्रस्तावित कार्यक्रम सचिव ई. विवेक लामिछाने र आर्थिक प्रतिवेदन र प्रस्तावित वजेट कोषाध्यक्ष ऋचालक्ष्मी श्रेष्ठज्यूले प्रस्तुत गर्नु भएको थियो ।

पूर्व विद्यार्थी समाजका अध्यक्ष श्री झविलाल शर्माको अध्यक्षतामा सम्पन्न उक्त साधारण सभाको प्रमुख अतिथि लुम्बिनी प्रदेश सभाका माननिय सासंद श्री रत्न वहादुर खत्री हुनुहुन्थ्यो ।

कार्यक्रममा स्वागत मन्तव्य पूर्व विद्यार्थी समाजका सदस्य सचिव टंकनाथ दाहालले गर्नुभएको थियो भने शुभकामना मन्तव्य खजुरा खेलकुद समितिका सदस्य सचिव छविलाल विष्ट, खजुरा क्षेत्र संरक्षण समितिका अध्यक्ष प्रेम बुढाथोकी, समाजका सल्लाकार डा. पिताम्वर सुवेदी र लाल वहादुर खत्री, पूर्व विद्यार्थी एवं राप्ती सोनारी गाउँपालिकाका प्रमुख प्रशासकिय अधिकृत ओम प्रकास देवकोटा, खजुरा प्रज्ञा प्रतिष्ठानका उपकुलपति डा.इन्द्र भण्डारी, विद्यालय व्यवस्थापन समितिका अध्यक्ष केयर सिंह थापा लगायतले शुभकामना मन्तव्य राख्नुभएको थियो ।

खजुरा खेलकुद समितिका सदस्य सचिव छवीलाल विष्ठले पूर्व विद्यार्थीहरुको यस प्रकारको कामले समाज र दुरवेशनीमा लाग्ने युवा युवतीहरुलाई समेत सहिबाटोमा ल्याउन सक्ने विचार राख्नु भयो भने खजुरा संरक्षणका अध्यक्ष प्रेम वुढाथोकीले यस प्रकारको समाजले समाजमा साचिकै सकारात्मक सन्देश दिने वताउनु भयो ।

सल्लाकार डा. पिताम्वर सुवदी र लाल वहादुर खत्रीले यो पूर्व विद्यार्थी समाज हामी सवैको साझा चौतारी भएको र यसले सवैलाई समेट्ने वताउनु भयो । पूर्व विद्यार्थी ओम प्रकाश देवकोटाले हाम्रो यो सकारात्मक कार्यले भावी सन्ततीलाई सही मार्ग निर्र्देशन गर्ने वताउनु भयो ।

खजुरा प्रज्ञा प्रतिष्ठानका उपकुलपति डा. इन्द्र भण्डारीले यो समाजले राम्रो काम गर्दै उदाहरण प्रस्तुत गरेको र आगामी दिनमा थप क्षेत्र फराकीलो वनाएर अगाडी वढ्न सुझाव दिनु भयो । साथै विद्यालय व्यवस्थापन समितिका अध्यक्षले आफुहरु पूर्व विद्यार्थी समाज संग सहकार्य गर्दै अगाडी वढ्न सधै तयार रहेको वताउनु भयो ।

कार्यक्रममा प्रमुख अतिथि माननिय सासंद रत्न बहादुर खत्रीले आफु यस विद्यालयको विद्यार्थी भएकोमा सधै गर्व महशुस हुने गरेको र आफुले यो पूर्व विद्यार्थी समाज र विद्यालयलाई सधै सहयोग र साथ दिने वताउनु भयो साथै थप सदस्यता विस्तार गरि यसलाई व्यापका वनाउन सुझाव दिनु भयो । कार्यक्रमको संचालन समाजका सचिव ई.विवेक लामिछाने गर्नु भएको थियो ।

कार्यक्रममा पूर्व विद्यार्थी समाजले अन्तराष्ट्रिय जगतमा खेलको माध्यमद्धारा विद्यालय, समाज र राष्ट्रलाई पहिचान दिलाउने पूर्व विद्यार्थी दिप वहादुर महतरा र केशमाया श्रीशलाई दोसल्ला र सम्मान पत्रबाट सम्मानीत गरेकोे थियो । साथै पूर्व विद्यार्थी समाजले आयोजन गरेको विभिन्न कार्यक्रममा संयोजकको भुमिका निर्वाह् गर्ने संयोजकहरु डा. पिताम्वर सुवेदी, ई. विवेक लामिछाने, सिता वोहार, वेद वहादुर सिंह, केयर सिंह थापा र टंकनाथ दाहाललाई सम्मान गरिएको थियो ।

कार्यक्रममा पूर्व विद्यार्थी समाजले विद्यालयलाई रु. १ लाख रकम समेत समाजका अध्यक्ष झविलाल शर्माले विद्यालय व्यवस्थापन समितिका अध्यक्ष केयर सिंह थापालाई हस्तान्तरण गर्नु भएको थियो । साथै पूर्व विद्यार्थी ओम प्रकास देवकोटले पूर्व विद्यार्थी समाजलाई रु १५ हजार नगद सहयोग रकम उपलव्ध गराउनु भयको थियो । कार्यक्रममा पूर्व विद्यार्थी समाजका ९२ जना आजिवन सदस्यहरुलाई आजिवन सदस्यताको प्रमाण पत्र समेत वितरण गरिएको थियो ।

आजै सम्पन्न समाजको कार्यसमितिको निर्वाचनमा श्री झविलाल शर्मा तिन वर्षको लागि निर्विरोध अध्यक्षमा विजय हुनु भएको छ भने महिला उपाध्यक्षमा ऋचालक्ष्मी श्रेष्ठ, उपाध्यक्षमा पूर्णचन्द्र पोख्रेल उपाध्याय, सचिवमा ई. विवेक लामिछाने, कोषाध्यक्षमा रत्ना कार्की, सहसचिवमा सुजाता खरेल, सहकोषाध्यक्षमा सीता वोहोरा र महिला सदस्यहरुमा कुन्ता कुमारी खत्री र सृजना रानामगर हुनु हुन्छ भने खुला सदस्यमा विष्णु प्रसाद पौडेल, प्रचण्ड गौतम, खुमानन्द आचार्य र प्रेम खरेल निर्विरोध विजय भएको जानकारी निर्वाचन अधिकारी भानुभक्त रिजाले दिनु भयो ।