नेपालगन्ज : प्रमुख प्रतिपक्ष दल नेकपा एमालेका पार्टी महासचिव तथा लुम्बिनी प्रदेशका संस्थापक मुख्यमन्त्री शंकर पोखरेल प्रमुख आतिथ्यमा मंसिर ४ गतेको निर्वाचनलाई लक्षित गरेर पार्टीका अगुवा कार्यकर्ता भेटघाट कार्यक्रममा, जानकी गाँउपालिकाका चर्चित नेता जाकिर खां र उनका समर्थक नेपाली कांग्रेस पार्टी परित्याग गरि नेकपा एमालेमा प्रवेश गर्नु भएको छ ।
साथै आइ. एन. एफ. साइनिंग अस्पतालका वरिष्ठ मेडिकल अधिकृत डा. गौराङक प्रतीक र सेमराक किड्स किंगडम नेपालगन्जका प्रिरिन्सिपल प्रकृति पाण्डे लगायत महासचिव शंकर पोखरेलबाट टिका लगाएर एमालेमा प्रवेश गर्नु भएको हुन नवप्रवेशी लाई टीका अविर खादा लगाई हार्दिक स्वागत तथा धेरै धेरै बधाई दिनु भएको छ ।
नेकपा एमालेका महासचिव शंकर पोखे्रलले राष्ट्र निर्माणका लागि आफ्नो पार्टीले जित्न जरुरी रहेको बताएका छन् । विकासको नेतृत्व नेकपा एमाले गर्ने भएकाले चुनावीको उद्देश्य देश विकास नै भएकाले जनतालाई उद्देश्य बुझाउनु पर्नेमा उनले जोड दिए । 
एमाले बाँकेले आज नेपालगन्जमा आयोजना गरेको निर्वाचन अभियान शुभारम्भ कार्यक्रमलाई सोमबार सम्बोधन गर्दै महासचिव पोख्रेलले यस्तो बताएका हुन् । एमाले बोकेको नीति र उद्देश्य जनतालाई बुझाउँदै ८ लाख पार्टी सदस्यले काम गर्ने हो भने एमाले एक्लैले गठबन्धनलाई पराजित गरी बहुमत ल्याउने उनको दाबी छ । 
देश बनाउनका लागि जनमत प्राप्त गर्न जरुरी रहेको उल्लेख गर्दै महासचिव पोख्रेलले एमालेको सरकार आएको खण्डमा विकासको आयम ल्याउने बताए । आगामी मंसिर ४ गतेको निर्वाचन व्यक्तिको जित हारको निर्वाचन मात्र नभई राष्ट्रको भाग्य र भविष्यसँग जोडिएको निर्वाचनका रुपमा विश्लेषण गर्न जरुरी रहेको बताए ।
