विनोद शाही मुगु । मुगुको सोरु गाँउपालिकाले सोमबार जनप्रतिनिधि, स्वास्थ्यकर्मी, सामाजिक कार्यकर्ता, स्वयम्सेवी र सञ्चारकर्मीहरूको एक विशेष समारोहबीच सयुक्त ब्यानर मा हस्तान्तरण गरेर पालिकालाई पूर्ण खोप सुनिश्चित गाँउपालिका घोषणा कार्यक्रम सम्पन्न भएको छ ।
सोरु गाँउपालिका प्रमुख धर्म बहादुर शाही ,उपाध्यक्ष केशर बहादुर शाही प्रमुख प्रशासकीय अधिकृत बिरेन्द्र मल्ल र गाउँ स्वास्थ्य संयोजक चरीत्र धामि र स्वास्थ्य चौकी इन्चार्ज र अन्य कर्मचारी ले घोषणा पत्रमा हस्ताक्षर गेरेको मुगु बाट कस्तुरी संवददाता विनोद शाहिले जानकारी दिनु भयो ।
पालिका अध्यक्ष धर्म बहादुर शाहिले पूर्ण खोप गाँउपालिकाको प्रमाणपत्र हस्तान्तरण गर्दै अतिथि उपाध्यक्ष केशर बहादुर शाहिले पूर्ण खोप सुनिश्चित गर्न अहिलेझैं सधैं खोप अभियान सञ्चालन गरिरहनुपर्नेमा जोड दिनुभयो ।
प्रत्येक वडाका वडाध्यक्षहरूलाई पनि पूर्ण खोप वडाको प्रमाणपत्र हस्तान्तरण गर्दै भ्रष्टाचारमुक्त, सदाचारको गाँउपालिका, बालश्रममुक्त, पूर्ण रोजगारीको सुनिश्चित गर्ने र गराउनेतर्फ पहल गर्नुपर्ने अध्यक्ष शाहिलेउल्लेख गर्नुभयो ।
नाफा र निजीकरणलाई जोड दिने पुजीवादी व्यवस्थामा देशभरका जनताले पूर्ण स्वास्थ्य सेवा नपाउने चर्चा गर्दै उहाले स्वास्थ्य सेवा निःशुल्क गर्न समाजवादी व्यवस्था अपरिहार्य रहेको उल्लेख गर्नुभयो ।
सत्तासीन दलका नेता, मन्त्री र मन्त्रीपत्नीहरूले सानो रोगको उपचार गर्न सरकारी खर्चमै विदेश जाने तर सर्वसाधारण जनताले जीवनजल र सिटामोल पनि नपाउने सरकारी बन्दोबस्तको निन्दा गर्दै अध्यक्ष शाहिले सामान्य रोग हरुको उपचार दुर्गम जिल्ला मुगु गाँउपालिका भयप गर्न नपर्ने गरी सुविधासम्पन्न प्रदेश र जिल्लास्तरीय अस्पतालको व्यवस्था गर्नुपर्नेमा जोड दिनुभयो ।
देश भ्रष्टाचारको दलदलमा फसिरहेको र लुटपाट भइरहेको हुदा सरकारको समृद्धिको नारा खोक्रो सावित भएको चर्चा गर्दै उहाले शिक्षा, स्वास्थ्य, बैङ्किङ, यातायात, खानेपानी, सुरक्षा, प्रहरी, सेना आदि निजीकरण गर्न नहुने औंल्याउनुभयो ।
सोरु गाँउपालिका प्रमुख एवं कार्यक्रमका सभापति धर्म बहादुर शाहिले कुनै पनि बालबालिका खोपबाट वञ्चित नहोऊन् भन्ने ध्येयले सबैले आ–आफ्नो स्थानबाट सक्दो सहयोग गर्नुपर्ने विचार राख्दै स–साना कुरामा पनि विदेशी सहयोग ताक्ने बानी छोड्नुपर्छ भन्नुभयो ।
एनजीओ र आईएनजीओप्रति गाँउपालिका सकारात्मक रहेको औंल्याउदै प्रमुख शाहिले भन्नुभयो, ‘राज्य जिम्मेवार र संवेदनशील नहुदा देशको जनशक्तिको सही उपयोग हुन नसकेकोले विज्ञ चिकित्सक र नर्स बाध्य भएर विदेशिरहेका छन् ।
संविधानमा आधारभूत स्वास्थ्य सेवा पाउने उल्लेख भए तापनि व्यवहारमा लागू हुन नसकेको औंल्याउदै उहाले सोरु गाउँ पालिका लाई पूर्ण खोप सुनिश्चित पालिका बनाइराख्ने प्रतिबद्धता व्यक्त गर्नुभयो ।
सोरु गाँउपालिका उपप्रमुख केसर बहादुर शाहिले स्वस्थ भएर जिउने नागरिकको जन्मसिद्ध अधिकार लागू भए समृद्ध गाँउमा टेवा पुग्ने विश्वास व्यक्त गर्दै स्वस्थ बन्न सबै नागरिकहरू सचेत र शिक्षित हुनुपर्छ भन्नुभयो ।
ज्ञान, विज्ञान र शिक्षाको केन्द्र बनाउने अभियानमा सोरु लागेझैं स्वास्थ्य उपचार गर्ने केन्द्र बनाउन सोरु लागिरहने विश्वास उहाले व्यक्त गर्नुभयो ।
प्रमुख प्रसासकिय अधिकृत विरेन्द्र मल्लले रोग लागेपछि उपचार गर्नुभन्दा रोग लाग्नुअघि नै रोकथाम गर्नुपर्नेमा जोड दिंदै निजी क्षेत्र पोषण गरेर सरकारी रकम सिध्याउने कामदेखि सतर्क हुनुपर्छ भन्नुभयो ।
महामारी रोगको नियन्त्रणमा सुधार भए पनि रोग भयावहको स्थितिमा रहेको चर्चा गर्दै उहाले हुनेखाने र हुदा खानेबीचको असमान दूरीले पनि उपचार गर्न नसकेर अकालमा मृत्यु भइरहेको बताउनुभयो ।
स्वास्थ प्रमुख खोप अभियानबारे चर्चा गर्दै बिफर उन्मूलन भइसकेको र अब दादुरा र पोलियो उन्मूलनमा अगाडि बढिरहेको बताउनुभयो ।
उहा“ले सुगम–दुर्गम, सहर–गाउ“ र धनी–गरिब सबैलाई उही गुणस्तरको खोप दिइरहेको उल्लेख गर्नुभयो ।
स्वास्थ प्रमुखले सोरु गाँउपालिका केही रोग उन्मूलन गर्न नियमित खोप अझै आवश्यक रहेको बताउनुभयो ।
