मुगु– एक बर्ष भित्रै सोरु गाँउपालिका मुगुको सबै सामुदायिक विद्यालयमा ब्रोड ब्यान्ड इन्टरनेट जडान हुने भएको छ ।
सोरु गाँउपालिका मुगु भरिका सामुदायिक विद्यालयमा ब्रोड ब्यान्ड इन्टरनेट जडानका लागि आजै सोरु गाँउपालिका मुगु र नेपाल दुर संचार प्राविधिक प्राधिकरण काठमाडौ बिच सम्झौता समझदारी पत्र तयार भएको हो ।
जसमा प्रधिकरणका तर्फ बाट उप निर्देशक बिनोद चन्द्र श्रेष्ठ र गाँउपालिकाको तर्फ बाट गाँउपालिका उपाध्यक्ष केशर बहादुर शाहिले संयुक्त हस्तान्तरण गरेको विनोद शाहिले मुगु बाट जानकारी दिनु भएको छ ।
उक्त इन्टरनेट सामुदायिक विद्यालयमा २ बर्ष सम्म निशुल्क र सेवा अवधी सकिए पछि गाँउपालिका र प्राधिकरण संग सहकार्य गरेर संचालन गरिने उपाध्यक्ष शाहिले जानकारी दिए ।
यहि आर्थिक बर्ष भित्रै सम्पुर्ण सामुदायिक विद्यालयमा ब्रोड ब्यान्ड इन्टरनेट सुचारू हुने भएको मुगु संवाददाता विनोद शाहिले जनाउनु भयो ।
