नबराज गैरे -आज के बोलेको भोलि बिर्सने प्राणिलाई नेता भनिन्छ । अन्य तहका कर्मचारीलाई सेवासुविधा दिने बेलामा कुनै आईतवार , नितिनियम खोज्न परेन । पीडित विद्यालय कर्मचारी (लेखापाल) जसको कामको कुनै ठेगान छैन छुट्टिका दिनमा समेत काम गर्नुपर्ने बाध्यता छ उनिहरुलाई न्यून परिमश्रममा काम कजाएर श्रम सोषण गर्ने र श्रमको मूल्य दिने बेलामा चाहिँ अनेक तर्कवितर्क गरेर टार्न खोजेको देखिन्छ ।

शोषित, पिडितबर्गका आवाज उठाउन भनी आन्दोलनको आधिवेरिमा होमिएका नै सत्ताको ललिपमा मस्त देखिन्छन तर श्रमजीवी वर्गको आवाज त के नाम लिन पनि चाहादैनन ।
यस्ता शाषकहरुले राज गरेको मुलुकमा शोषित पिडित वर्गले न्याय कहाँ पाउने ? ठूलाबडा आउँदा सोफामा बसाएर लोकल कुखुराको खाने की खसीको मासु भनी साेध्ने गरिन्छ । तर गरिब आउँदा परै बस भनेर ठूलो स्वर गरिन्छ । हामी बिद्यालय कर्मचारीमा यही नियत लागू भएको देखिन्छ धनी र गरिबबीचमा विभेद गरिएजस्ताे ।

बरु तुरुन्त यो विद्यालय कर्मचारी कोटा नै खारेज गर सरकार । हामीले जस्ता अरुले उर्जाबान समय यहि बर्वाद गर्न नपरोस बरू बेलैमा खाडि छिरि रेमिट्यान्स पठाउछौ तिमी मस्ति गरौला अर्थात आ–आफ्नो सुर गर्छौं । सधै हामीलाई ललिपप देखाएर सत्तामा जाने भर्याङ मात्र कति बनाउछौ ।

समयमा घर आउन पाएका छैनौ , समयमै तलब पाएका छैनौं, दरबन्दी छैन । खानेलाउने जिन्दगीको कुनै ठेगान छैन अनेकौं समस्या झेलेर हामी आफ्नो काममा लागिरहेका छौं । वर्षाैं काम गरेर हामी खाली हात अवकाश लिनुपर्छ । हाम्रो पिर न स्थानीय सरकारकारका राजामहाराजाहरुले बुझे न प्रदेशका राजाहरुले नत संघीय सरकारले । त्यैसैले हामी जस्ता हजारौंको भविष्य बर्वाद नपारी यो कोटा नै खारेज गरेर मार्ग प्रसस्त गर्नु ।

नबराज गैरे
अर्थ सचिव
नेपाल विद्यालय कर्मचारी परिषद लुम्बिनी प्रदेश नेपाल