बाँके-नेपालबाट अबैध सिल गरेर भारत तर्फ जाँदै गरेको कन्टेनर नेपालगन्जको जमुनाह प्रहरीले नियन्त्रणमा लिएको छ ।
निकासी प्रमाणिकरण बिनाको लकमा सिल गरिएको कन्टेनर जमुनाहा नाकाबाट भारत जाँदै गरेको अवस्थामा प्रहरीले नियन्त्रणमा लिएको हो ।
निकासी प्रमाणपत्र बिना नै लोड गरि सिल गरिएको कन्टेनर प्रहरीले नियन्त्रणमा लिएको जमुनाह प्रहरीका इन्चार्ज माधव रिजालले जानकारी दिनुभयो ।
कन्टेनरमा पहाडी उत्पादन जस्तो देखिने दाना फेला परेको र त्यसको पहिचान हुन नसकेको प्रहरीले जनाएको छ । पहेँलो दाना जस्तो सामान भेटिएको जानकारी दिदै उहाँले परिक्षणपछि मात्र त्यसको पहिचान हुने बताउनु भयो ।
सामान लोड भएको र सिलबन्दी गरिएको कन्टेनर भन्सार कार्यालय नेपालगन्ज पार गरेर सीमानाका पार गर्ने बेलामा सशस्त्र प्रहरी सहायक निरीक्षक गोविन्द्र शुक्लाले नियन्त्रणमा लिएको बताइएको छ ।
प्रहरी स्रोतले पहेला दाना अफिम हुन सक्ने आशंका गरेको जनाएको छ। कन्टेनरमा २५० बोरा फेला परेको छ ।
२४० बोरा पुर्ण २५ के जि ७ बोरा १२ के जि र ३ बोरा खाली गरे २५० बोरा भएको र अनुमानित १० करोड बराबरको सामान बरामद गरिएको प्रहरीले जनाएको छ ।
